web counter
LEXO PA REKLAMA!

SHKARKO APP

App Store
Google Play

Pse askush nuk u beson deklaratave publike të 99-çave dhe “vullnetarëve” të Enverit?

26 Janar 2024, 17:57, Politikë CNA
Pse askush nuk u beson deklaratave publike të 99-çave dhe
Fotomontazh - Enver Hoxha, Fatmir Xhafaj, Ermonela Felaj, Toni Gogu, Klotilda Bushka, Plarent Ndreca

Prej gati një jave, 99-çat e Rilindjes dhe “vullnetarët” e Enverit po dalin studiove duke mohuar krijimin e një komisioni “Ad-Hoc” për të kontrolluar punën e SPAK-ut, por kanë gjetur lojën e fjalëve. 

Siç ka thënë Shalsi, në dy-tri qëndrime të tij, ku në fakt është kontradiktor, apo edhe Elisa Spiropali.

Së fundmi, në dalje mediatike, edhe Plarent Ndreca, një nga 99-çat e rinj të parlamentit shqiptar, do të bëhet një grup pune, i cili po diskuton për të ngritur më lart standardin e parlamentit, sepse ka disa drejtori, të cilat duhet të monitorojnë punën e institucioneve të pavarura. 

Pse askush nuk u beson deklaratave publike të 99-çave dhe

Këtu fillon edhe hileja. Në emër të ngritjes në një standard tjetër të punës së parlamentit dhe administratës së tij do të krijohet një komision “Ad-Hoc”, do të drejtohet nga Fatmir Xhafaj, 99-çat e vullnetarët e Enverit, për të ecur përpara më pas, për të thirrur në llogari nga institucionet e pavarura, ata që janë më kryesorët, prokurorët, prokurorin e përgjithshëm, kreun e SPAK-ut, kreun ne KLSH-së e të tjerë. 

Këto janë institucionet që ka ndjeshmëri publiku, sidomos Reforma në Drejtësi dhe SPAK-u në veçanti. Kanë dalë dhe po e mohojnë me radhë. megjithëse midis rreshtash, askush nuk thotë që nuk do të ketë një komision “Ad-Hoc” për të hetuar institucionet e pavarura. Përkundrazi, thotë që do të hetohet, do të kërkohet llogari, ka disa drejtori, e kështu me radhë. 

Por askush nuk e beson, sepse kanë ngritur alarmin, sepse kanë reaguar ndërkombëtarët, sepse janë një grup politik, që tashëm gjoja në emër të integrimit në BE, për shkak të dosjeve të shumta që ka SPAK-u në hetim, duan të frenojnë kreun e këtij institucioni dhe disa prokurorë vërtetë të ndershëm në SPAK që të ecin më tej me hetimet e tyre. 

Zgjidhja, mënyra është, të shpikim një grup pune, ftojmë dhe opozitën, shkojmë gjoja për komision “Ad-Hoc”, pastaj nuk e bëjmë këtë të fundit, por rrisim kapacitetet e parlamentit që të thërrasim në Apel drejtuesit e institucioneve, ku në fakt kushtetuta e ka të qartë, ligji e ka të qartë, kush i monitoron, si thirren e deri ku është hapësira që mund të shkojnë, pa theksuar atë shqetësim të paraqitur nga kreu i SPAK-ut, Altin Dumani, i cili thoshte se ndërhyrjet me ligj më pas mund të jenë problematike. 

Pra, politika mund të bluajë ç’të dojë, por jo të shkojë në ndryshime ligjore, të cilat dëmtojnë punën dhe pavarësinë e SPAK-ut. 

99-çat e Rilindjes dhe vullnetarët e Enverit po flasin, por askush nuk po u beson. Kjo, sepse shqiptarët e shohin nga deklarimet e tyre, nga qëndrimet që ata mbajnë, se po gënjejnë, po gënjejnë hapur duke u shmangur mes rreshtash dhe fjalësh për të gënjyer për një akt politik që ata duan të bëjnë për të marrë nën kontroll SPAK-un./ CNA\





Lajmet e fundit nga