E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Zbulohet rasti: Alma Kaçi, foto shantazhuese vajzës së një drejtuesi të lartë të policisë

9 Shkurt 2024, 09:31, Aktualitet CNA

Alma Kaçi

Gazetari Artan Hoxha ka zbuluar një tjetër rast ku përfshihet Alma Kaçi, gruaja e cila u shfaq në video-skandalin me Safet Gjicin.

I ftuar në emisionin "Të Paekspozuarit", gazetari tha se Kaçi u dënua nga gjykata edhe për shkak se i dërgoi foto shantazhuese vajzës adoleshente të një drejtuesi të lartë të policisë në Durrës, ku ky i fundit shfaqej i zhveshur.

"Ka edhe një vendim tjetër, e ka dhënë gjykatësja Migena Laska dhe ka qenë e pandehur zonja në fjalë, por aty e akuzuar me akuzën e shantazhit të të miturve. Në këtë rast, e pandehura u akuzua sepse i ka çuar një video dhe disa mesazhe, vajzës adoleshente të një zyrtari të lartë të policisë në Durrës. Ia ka çuar dhe i ka thënë që babai yt është i dashuri im. Vajza adoleshente i ka thënë, babai im ka nënën time, dhe kjo i ka çuar një video dhe foto ku paraqitet i zhveshur dhe ka të shkruar në trup emrin e Almës. Alma i thotë vajzës, nëse babai yt do kishte nënën tënde, do të mbante emrin e saj dhe jo timin. Alma Kaçi është gjetur fajtore dhe është dënuar, për shkak edhe të kushteve dhe problemeve, u dënua me një shumë prej 2 milionë lekësh të vjetër. Më përpara është përdorur edhe për shantazhe. Ka pasur zyrtarë edhe më të rëndësishëm. Njëri në Durrës ka qenë përfaqësues i lartë politik vajti deri drejt vetëvrasjes. Ka pasur edhe një rast tjetër, që ka marrë banesa nga fondi i rindërtimit. Ajo çështje nuk u publikua asnjëherë", tha gazetari.

Lidhur me dënimet e Safet Gjicit dhe Alma Kaçit, Hoxha deklaroi se iu duk si një dënim "as mish as peshk". Disa ditë më parë, Gjykata e Posaçme shpalli verdiktin dhe dënoi me 3 vite burgim ish-kryetarin e Bashkisë së Kukësit. Nga gjykimi i shkurtuar dënimi ulet me 2 vite.

Ndërkohë, për Alma Kaçin, gjykata ka dhënë dënimin me 1 vit burg, duke e shpallur fajtore atë për prostitucion./CNA