web counter
LEXO PA REKLAMA!

SHKARKO APP

App Store
Google Play

E fundit!

x

Tensionet në Kuvend/ Kikia për CNA: Mazhoranca e shqetësuar, opozita pa objektiva

8 Shkurt 2024, 18:12, Aktualitet CNA
Tensionet në Kuvend/ Kikia për CNA: Mazhoranca e shqetësuar,
Mentor Kikia

Kthimi i Kuvendit në arenë beteje nuk është më një surprizë. Prej muajsh opozita krijon kaos në seanca plenare dhe komisione, por përballë këtyre veprimeve, duket se mazhoranca qëndron indiferente.

Gazetari Mentor Kikia, në një intervistë me gazetaren Fabjona Pasho, për CNA TV, analizon veprimet e socialistëve përballë demokratëve.

"Këta njerëz janë të vetdijshëm për situatën aspak normale, në të cilën ndodhet mjedisi politik. Përtej çfarë shfaqet në pamje të jashtme, mazhoranca është e shqetësuar për këtë situatë. Ajo që ka munguar deri tani është vullneti për të zgjidhur këtë çështje. Vetë opozita, nuk e ka pritur që socialistët do të jenë kaq të prerë për tu ulur dhe për të gjetur një zgjidhje për ato kërkesa që janë paraqitur."

Më tej, Kika thotë se opozita ka të drejtë të protestojë në çfarëdolloj mënyre, por mbi të gjitha, duhet të ofrojë alternativë për qytetarët, gjë që aktualisht mungon.

"Të gjitha veprimet e deputetëve janë pjesë e demokracisë. I kemi parë këto skena nga vendet fqinje, deri në Korenë e Jugut. Nuk është ky shqetësimi, që deputetët u përfshinë në skena të tilla. Duhet të shqetësoheshim nëse të gjithë binin dakord, ngrinin kartonin dhe votonin në të njëjtën mënyrë. Ajo që është shqetësuese, është se opozita nuk ka një objektiv konkret dhe për shkak të kësaj që po ndodh ta bindë qytetarin se kjo që po ndodh është në shërbim të tyre, në mënyrë që të fitojë simpatinë."

Kika sugjeron që Partia Demokratike të promovojë figura të reja, në mënyrë që të tërheqë elektorat./ CNA





Lajmet e fundit nga