LEXO PA REKLAMA!

SHKARKO APP

Hija e Ergys Agasit nga errësira në dritë

3 Mars 2024, 11:07, Editorial CNA
Hija e Ergys Agasit nga errësira në dritë
Ergys Agasi

CNA dje solli një shkrim të parë në kuadër të një vëzhgimi dhe analize politike mbi informacione të mirëkonfirmuara në lidhje me një personazh kompleks politik siç është Ergys Agasi. I panjohur mediatikisht, pa shumë zhurmë, ish-ushtar i Ilir Metës, i kthyer në hije për errësirën e Ramës.

Në fakt janë disa personazhe, të cilët janë hija gri apo hija në errësirë, apo eminencat gri të kryeministrit Edi Rama, të cilët lëvizin disa gurë shahu të rëndësishëm në politikën e kryeqytetit. Dikush me betejat jashtë, një tjetër brenda, për interesa në qarqe të caktuara, por që kryeministri i ka hijet e tij ku kalon pushtetin jolegal, por forcën e detyrës së tij dhe emrit duke zbatuar skema, skenarë apo lëvizje të caktuara.

Dorian Duçka dhe Ergys Agasi, hijet në errësirë të Ramës

Janë rastet si Dor Duçka, por ka dhe të tjerë.

Hija e Ergys Agasit nga errësira në dritë
Dorian Duçka

Dorian Duçka është personi i përfshirë në hetimet e skandalit të agjentit të FBI-së McGonigal, një skandal i një përmase jo shqiptare, por ndërkombëtare që tronditi FBI-në dhe deri te drejtësia në SHBA.

Ka një akuzë shumë të fortë ku përmendet Dorian Duçka, një nga njerëzit hije të Edi Ramës që po verifikohet nga SPAK-u për pozicionin e tij në rastin “McGonigal”.

Një emër tjetër është Ergys Agasi.

Shumë i përfolur, por pak i ekspozuar megjithëse ka marrë detyra politike në PS, pasi tradhtoi Metën.

Ky i dyti, si një hije në errësirë, dhe ne do të zbardhim të gjitha ato drita të munguara që duhet të ndriçojnë “natën” e Agasit, atë ndriçim që zbardh një fytyrë, e cila luan në segmente mjaft të larta të politikës dhe jo vetëm.

Hija e Ergys Agasit nga errësira në dritë
Ergys Agasi

Është një eminencë gri e Edi Ramës, me emërime të fuqishme në hipoteka, kadastra, policinë e shtetit, lidhje të forta me “call center”-a dhe lidhjet shkojnë sa në Shkozet, Durrës, Elbasan apo Shkodër, te bota e errët ku eminenca gri e Edi Ramës kërkon të rrijë si hije në errësirë, por Shqipëria është e vogël dhe hija bëhet më e fortë kur ka diell që në fakt nuk mungon në akset që përmendëm më lart.

Hija e Ergys Agasit nga errësira në dritë
Kryeministri Edi Rama

Alarmi i Ergys Agasi dhe ndërhyrjet

Pas publikimit të lajmit të parë telefoni nuk është ndalur. Ergys Agasi është vënë në alarm dhe ka filluar çmenduria e radhës. Ndoshta edhe më keq se për inceneratorët, apo afera të ndryshme të denoncuara në CNA.

Skema është e njëjtë, kërkohet negocim për pazar, pastaj tregohen dhëmbët, më pas fillojnë sulmet. Rastet janë si hija që shkon te krimi dhe lapsi i tij.

Shumë persona janë shqetësuar për disa të vërteta ndaj një personazhi që shkon deri te strukturat e inteligjencës shqiptare.

Hija e Ergys Agasit nga errësira në dritë
Ergys Agasi

Informacione për kontrolle prokurorësh, gjyqtarësh, etj., si këto, të cilat janë në duart e inteligjencës, kuptohet gjithmonë, por që detaje të caktuara mund të shkojnë deri tek Ergys Agasi, apo kërkesa për komunikim me SPAK-un se dikush shqetësohet kur i mëson nga media.

Njeriu i Ilir Metës që tashmë është kthyer në eminencën gri të Edi Ramës. Shqetësohet pse raporton CNA apo çfarë do të nxjerrë më tej.

Një pjesë ia shkruam dje, të tjerat i ka mes rreshtash sot. Nuk ka pse shqetësohet askush, do raportohet lajmi, të vërtetat dhe asgjë më shumë. Shqiptarët duhet ta njohin hijen e re të Edi Ramës.

Hija e Ergys Agasit nga errësira në dritë
Ergys Agasi dhe Ilir Meta

Disa muaj më parë në media u shfaqën shkrime ndaj tij po më pas të gjitha u fshinë. U blenë me para, u shitën me pazare apo çfarë ka ndodhur këtë nuk dimë ta themi dhe nuk na intereson fare.

Por të tilla lëvizje lënë jo pak gjurmë.

Ne do të zbardhim disa dritëhije të njeriut që shpesh takohet me kryeministrin në vilën 30 aty ku gatuhen komisionet anti-SPAK.

Agasi ka një pushtet të pakufizuar të dhënë nga Rama, edhe pse i pavotuar dhe në asnjë strukturë politike, kërcen menjëherë si mëkëmbës i kryeministrit, me më shumë se pushtet se p.sh. Taulant Balla që është ministri i Brendshëm, apo dhe Lali Eri në krye të Bashkisë Tiranë.

Hija e Ergys Agasit nga errësira në dritë
Kryeministri Edi Rama në Vilën 30

Fakte të tjera, në vijim

CNA do të vazhdojë të publikojë të tjera fakte dhe informacione mjaft të thjeshta, biznese dhe para për politikë dhe dritëhijet e njeriut në krah të kryeministrit Rama, të cilat janë edhe më të qarta tashmë pas ndërhyrjeve të forta pranë CNA-së për të hequr shkrimet dhe për të mos vazhduar më tej me këtë personazh, që në treg veten e trajton si njeriu më i fuqishëm politik dhe me pushtete që i jepen për shërbim nga Rama, ndërsa kërkon që emri i tij të rrijë në hije dhe të mos ekspozohet.

Hija e Ergys Agasit nga errësira në dritë
Ergys Agasi

Këto janë pak a shumë si stilet e politikanëve të korruptuar italianë apo lëvizjet e njerëzve të mafies italiane të viteve ‘80, ku dikush shtrinte tentakula pushteti dhe përdorte politikën duke qëndruar në hije pranë, në nivelet më të larta deri pranë kryeministrave për shërbime politike dhe ekonomike.

Ergys Agasi nuk besojmë se është i atij niveli, por sot fakti është që ai vepron dhe ka një pushtet që ndoshta mund të quhet eminenca gri e kryeministrit Edi Rama, që në fakt është shumë pak me të vërtetën e mbuluar të këtij personazhi./ CNA

Lajmet e fundit nga