web counter
LEXO PA REKLAMA!

SHKARKO APP

App Store
Google Play

Guximi që kërkohet nga Altin Dumani dhe SPAK-u

16 Shkurt 2024, 11:44, Editorial Elvi FUNDO
Guximi që kërkohet nga Altin Dumani dhe SPAK-u
Altin Dumani

Vizita e Antony Blinken, Sekretarit amerikan të Shtetit, është një gjurmë me mesazhe të qarta, që tregon rrugën se si Shqipëria apo institucionet e saj do të ecin më tej me mbështetjen që kanë nga vetë SHBA-ja. 

Gjatë vizitës së djeshme që pati në Tiranë, Sekretari Amerikan i Shtetit, Blinken, u takua me drejtues të sistemit të drejtësisë, ku si plotësues ndodheshin 3 prej tyre, në krah të djathtë bie në sy në foto të Blinken-it është Altin Dumani, kreu i SPAK-ut. 

Guximi që kërkohet nga Altin Dumani dhe SPAK-u
Antony Blinken dhe krerët e sistemit të drejtësisë

Mediat raportuan se do të kishte një takim kokë me kokë, ku u përfol për një takim gjatë kohës rreth 2 orë e 30 minuta nga mbërritja në Shqipëri te fillimi i agjendës zyrtare. 

Sot ambasada e SHBA-së publikoi një foto, vetëm sekretari Blinken e publikoi më parë foton e përfaqësuesit të sistemit të drejtësisë. 

Për ata që duan të kuptojnë mesazhin e qartë, kuptohet kryetari i gjykatës së lartë, ILD e të tjerë, ishin thjesht dhe mbushës së asaj fotografie, pasi është gati e pamundur të protokoll që të ketë takim me kreun e një strukture akuze, të prokurorisë, ku mungon kreu i KLP apo prokurori i Përgjithshëm. Pra, është një rast krejtësisht i veçantë. 

Guximi që kërkohet nga Altin Dumani dhe SPAK-u
Antony Blinken dhe krerët e drejtësisë shqiptare

Sipas njoftimit të ambasadës amerikane dhe asaj që ka thënë vetë Sekretari Blinken, ky është momenti që institucionet e reja të drejtësisë “të veprojnë me guxim ndaj pandëshkueshmërisë dhe të nxisin besimin e publikut dhe sundimin e ligjit”. Kjo është një fjali mjaft e qartë, e drejtpërdrejtë dhe një mesazh që i përçohet SPAK-ut, Dumanit dhe Gjykatës Kundër Krimit dhe Korrupsionit. 

Deri më tani ka pasur rezultate dhe nuk mund të thuhen spektakolare, sepse s’ka pasur ministra apo zyrtarë të lartë në detyrë, kryesisht janë ish-ministra dhe ish-zyrtarë, të cilët janë larguar nga detyra dhe më pas janë marrë nënë akuzë apo po hetohen. 

Antony Blinken në Tiranë dha mesazhin, ambasada e SHBA-së e dha mesazhin, “DUHET GUXIM”, tashmë guximi pritet nga Altin Dumani dhe SPAK-u. 

Guximi që kërkohet nga Altin Dumani dhe SPAK-u
Altin Dumani

Guximi ndaj kujt drejtohet?

Ndaj opozitës, tashmë ajo e ka kryer punën e saj, Berisha është i mbyllur në shtëpi, Meta e Kryemadhi kanë dosjet e tyre, Luli po shmanget për pak kohë me procedurë, guximi në fakt nuk duhet ndaj opozitës.

Guximi që kërkohet nga Altin Dumani dhe SPAK-u
Ilir Meta dhe Sali Berisha

Guximi duhet ndaj pushtetit. 

E përmenda më lart, ka zyrtarë, ish-zyrtarë, ish-ministra, por nuk ka ministra në detyrë. Pra nuk ka një ministër të prangosur në zyrë për korrupsion apo kryetarë bashkie, aferat vazhdojnë, korrupsioni vazhdon, inceneratorët paguhen, PPP-të paguhen, koncesionet jepen, lejet klienteliste nuk ndalen, Shqipëria shitet si tokë e djegur në emër të zhvillimit dhe SPAK-u është aty për të guxuar. 

Altin Dumani ka pasur të gjithë mbështetjen. Me vajtjen e tij në krye të SPAK-ut opinioni publik ka rritur pritshmëritë (edhe mediat e korruptuara të pushtetit), kjo edhe për shkak të faktit se ai perceptohet si një person i pakorruptueshëm, pa lidhje me politikën dhe që i qëndron përballë betejës. 

Nga Dumani dhe SPAK-u (jo të gjithë, disa janë të Rilindjes), thjesht kërkohet që të kenë guximin në lartësinë e detyrës dhe të bëjnë atë që duhet, jo që të sharrojnë koka, të hetohen tualate, apo të kapim ç’të kapim për statistikë. Kjo nuk duhet të ndodhë kurrë.

SPAK nuk mund të merret me arka me peshk dhe qindarka dhe kusure, por me koncesionet, PPP-të, aferat që shkojnë te nivelet më të larta zyrtare dhe bashkëpunëtorët e tyre. 

Guximi që kërkohet nga Altin Dumani dhe SPAK-u
SPAK

Dumani dhe SPAK-u të kenë guximin të hetojnë korrupsionin në nivelet e larta të pushtetit, të hetojnë ministrat, korrupsionin e sipërm. Për këtë ka edhe mbështetjen e kryeministrit, i cili tha se nuk ka ndodhur kurrë më parë të hetohen të paprekshmit. 

Po guximi duhet për të paprekshmit. Në Shqipëri ka ende të paprekshëm. Në Shqipëri, korrupsioni është ende në nivelet më të larta. 

Ajo që nevojitet është guximi i Dumanit dhe guximi i SPAK-ut, për të vendosur standardin e drejtësisë, duke hetuar dhe duke prangosur korrupsionin në nivelet më të larta shtetërore, zyrtarë, ministra, prokurorë e gjyqtarë dhe ata brenda sistemit te drejtësisë, qoftë dhe zullumqarët në media për të treguar se në të katër nivelet e pushtetit korrupsioni goditet dhe atëherë janë goditur të paprekshmit. 

Ky është guximi që kërkohet nga Altin Dumani dhe SPAK-u./CNA 





17:09 Editorial

ËSHTË KOHA E SPAK

Tani nga SPAK-u pritet vërtet më shumë. Ndërkombëtarët...

Lajmet e fundit nga