web counter
LEXO PA REKLAMA!

SHKARKO APP

App Store
Google Play

Blinken publikon foton, mesazhi për përfaqësuesit e drejtësisë

16 Shkurt 2024, 09:29, Aktualitet CNA

Blinken publikon foton, mesazhi për përfaqësuesit e

Pas largimit nga Shqipëria, Sekretari Amerikan i Shtetit, Antony Blinken, ka postuar një foto nga takimi i zhvilluar të enjten me përfaqësuesit e drejtësisë shqiptare, mes të cilëve edhe kreu i SPAK-ut, Altin Dumani, duke dhënë mesazhin se reforma në drejtësi është thelbësore për vendin tonë.

“Reforma në drejtësi është thelbësore për Shqipërinë dhe përpjekjet e saj për integrim në BE. U takova me drejtuesit e reformës në drejtësi në Tiranë për të përgëzuar progresin e tyre në avancimin e shtetit të së drejtës dhe luftimin e korrupsionit”, shkroi sekretari Blinken në rrjetin social "X".

Ndërkohë, kjo foto është publikuar edhe nga ambasada amerikane në Tiranë në rrjetet sociale, ku nënvizohet se Sekretari i Shtetit, Antony Blinken, përsëriti angazhimin e qëndrueshëm të Shteteve të Bashkuara për reformën në drejtësi në Shqipëri gjatë takimit me krerët e drejtësisë.

“Megjithëse reforma nuk është e shpejtë, e përsosur, apo e lehtë, ky është momenti që institucionet e reja të drejtësisë të veprojnë me guxim ndaj pandëshkueshmërisë dhe të nxisin besimin e publikut në sundimin e ligjit. Këto sfida janë të mëdha, por Shtetet e Bashkuara qëndrojnë fort pas këtyre institucioneve dhe do të mbetemi të palëkundura në mbështetjen tonë”, thuhet në postimin e ambasadës./CNA 

 





Lajmet e fundit nga