web counter
LEXO PA REKLAMA!

SHKARKO APP

App Store
Google Play

E fundit!

x

Antony Blinken: Vendi i shqiponjave përcjell ngrohtësi, shoh energji për të ardhmen

15 Shkurt 2024, 15:32, Aktualitet CNA

Antony Blinken: Vendi i shqiponjave përcjell ngrohtësi, shoh energji

Sekretari amerikan i Shtetit, Antony Blinken, shprehu mirënjohje për mikpritjen gjatë fjalës së tij në aktivitetin me të rinjtë te Piramida e Tiranës.

Blinken e cilësoi Shqipërinë si vendin e shqiponjave, ndërsa tha se këtu ka gjetur energji për të ardhmen e integruar me botën.

Ai foli edhe për rindërtimin e Piramidës së Tiranës, teksa deklaroi se ky vend tashmë është i mbushur me dritë.

“"Mirëdita të gjithëve, ju falënderoj për një mikëpritje të mrekullueshme në vendin e shqiponjave. E ndiej ambientin e ngrohtë jashtë dhe ngrohtësinë këtu. Është një moment i rëndësishëm dhe një vlerësim për punën tuaj. Falënderoj zotin David për të gjitha punët e ambasadës dhe zotin Rama për mbështetjen dhe ngjyrat që i ka dhënë Tiranës gjatë kohës që ka qenë kryetar i bashkisë. Më kanë thënë njerëz që kjo ndërtesë i dedikohet një diktatori që i çoi shqiptarët në fushat e përqendrimit. Por sot shikoni rreth e rrotull, ky vend është mbushur me dritë, me veprimtari, ka kafe, sallë, inkubatorë teknikë, është një simbol i fuqishëm, i gjallë i së ardhmes dhe së tanishmes, i marrëdhënieve me SHBA-në ku shqiptarët mësojnë se si mund të jetojnë në SHBA. Kjo ndërtesë u rindërtua nga fondi amerikan. Gjithkund mund të shikoni energjinë për të ardhmen, një të ardhme të integruar me rajonin, botën", theksoi ai./ CNA





Lajmet e fundit nga