web counter
LEXO PA REKLAMA!

SHKARKO APP

App Store
Google Play

Cilat kanë qenë grupet e para kriminale të Tiranës

15 Shkurt 2024, 11:20, Aktualitet CNA
Cilat kanë qenë grupet e para kriminale të Tiranës
Tirana

Pas rënies së komunizimit, në vitet e para të pluralizimit në Tiranë u krijuan edhe grupet e para kriminale. 

Në një emision televiziv, ish-prokurori Shkëlqim Hajdari u shpreh se grupet kriminale u krijuan pasi disa persona nuk i kuptuan mirë liritë që të ofron demokracia. 

“Njerëz që e presin demokracinë dhe mundohen t'u përshtaten rregullave të reja që krijon shoqëria siç është ekonomia e lirë e tregut, barazia para ligjit por edhe liritë që shoqërojnë individin që nëse nuk e kupton mirë demokracinë futet në rrugë që dikush vritet dikush sharrohet“- u shpreh ish-prokurori, Shkëlqim Hajdari.

Sipas, Ervin Karamuços ka pasur djem të rinj me karakter problematik, të cilët nisën të organizoheshin në grupe të identifikuara sipas lagjeve. Sipas tij kishim bandat, djemtë e rrugës Bardhyl, djemtë e stacionit të Trenit, ata të Rrugës së Kavajës etj.

"Nuk kanë qenë vetëm 2 banda të ashtuquajturat kjo e restorant Durrësit dhe e rrugës Bardhyl. Ka pasur edhe shumë banda të tjera në Tiranë që pak është thënë. Ka pasur grupe shumë të fuqishme Rruga e Elbasanit, zona e Ali Demit, Rruga Bardhyl, ish-restorant Durrësi, Tirana e Re, Selita, Kombinati dhe kemi Babrrunë të gjitha këto kishin grupet e tyre. Grupe të cilat ishin në një territor të caktuar me background-in e tyre kriminal. Vetëm në grupet e Rrugës së Elbasanit nga viti 1991-1996 ne kemi 24 persona, djem të rinj të vrarë. Vriteshin për një motor, për një biçikletë, për një lojë, për një borxh, për ngacmim të një vajze“- u shpreh profesori i kriminologjisë, Ervin Karamuço./CNA 





Lajmet e fundit nga