web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja me Italinë/ Rama: Nuk bie ndesh me qëndrimin e BE-së, po sillemi si vend anëtar

15 Shkurt 2024, 09:46, Aktualitet CNA

Marrëveshja me Italinë/ Rama: Nuk bie ndesh me qëndrimin e

Kryeministri Edi Rama nga Brukseli ka folur për marrëveshjen për emigrantët me Italinë.

Rama ka theksuar se kjo marrëveshje nuk bie ndesh me qëndrimin e BE-së, por është e kundërta.

Sipas Ramës ajo që po bën Shqipëria me Italinë si një vend joanëtar supozohet ta bënte një vend anëtar i BE-së.

Kryeministri nënvizoi se po sillemi si një vend i BE-së dhe po punojmë me një vend tjetër të BE-së për të përballuar përgjegjësinë me një çështje si emigracioni i paligjshëm i cili krijon një debat të gjerë.

"Unë nuk u shpreha kundër BE-së, por në favor të BE-së, si një evropian që ishte i palumtur me atë që po ndodhte në këtë qytet melankolik për të ardhmen e BE-së.

Siç e thashë në fjalën hapëse, është mjaft e trishtë që nuk mjaftoi që unë e kolegët e mi të BP të ngrinim zërin dhe të thoshim që BP është shumë strategjik dhe duhet ta merrnim seriozisht. U desh Putin-i që të shkundte çdokënd dhe t’u hapte sytë të gjithëve. Jemi në një pozitë tjetër dhje ka një shkallë më të lartë ndërgjegjësimi të prekshëm sa i takon vullnetit të BE-së dhe të shtyjë zgjerimin. Ne kemi ardhur nga një rrugë e gjatë dhe e dimë që në kohë të mira është shumë e mundshme që të dembelosemi dhe të hyjmë rrugës së vjetër të humbjes apo të lënies, të përmbushjes së nivelit të dytë të BE-së.

Nuk e shoh se si ajo që po bëjmë me Italinë bie ndesh me qëndrimin e BE-së për emigracionin. Është e kundërta. Ajo që po bëjmë me Italinë si shtet joanëtar është ajo që supozohet të bëjë shteti anëtar.

Ne po sillemi si një vend anëtar i BE-së dhe po punojmë që një tjetër vend anëtar i BE-së të ndajë me ne peshën e përgjegjësisë për t’u përballur me një gjë kaq të vështirë ku emigracioni i paligjshëm është bërë debat", tha Rama./ CNA





Lajmet e fundit nga