web counter
LEXO PA REKLAMA!

SHKARKO APP

App Store
Google Play

E fundit!

x

Vizita e Blinken dhe Kuvendi/ Nga interpelanca urgjente me Ramën dhe bastet, çfarë pritet të ndodhë nesër

14 Shkurt 2024, 14:53, Aktualitet CNA
Vizita e Blinken dhe Kuvendi/ Nga interpelanca urgjente me Ramën dhe
Foto ilustruese

Një sërë ngjarjesh pritet të zhvillohen ditën e nesërme, në datën e shënuar ku Sekretari Amerikan i Shtetit  Antony Blinken pritet të prekë tokën shqiptare.

Një vizitë kjo historike dhe tejet e rëndësishme pasi mbart mesazhe shumë të forta si për vendin ashtu edhe për politikën.

Blinken do të mbërrijë në Shqipëri në orën 11:00 dhe do qëndrojë në Shqipëri 8 orë, ku do të takojë kryeministri Edi Rama dhe Presidentin Bajram Begaj.

Po ashtu burime diplomatike bëjnë me dije se do të ketë një takim me kokë më kokë me kreun e SPAK-ut, Altin Dumanin.

Nga ana tjetër, ditën e nesërme do të zhvillohet gjithashtu seanca parlamentare.

Në rendin e ditës thuhet se do të ketë një interpelancë urgjente me kryeministrin Edi Rama, e kërkuar nga një grup deputetësh të PD-së.

Po ashtu do të diskutohen projektligjet për ndryshime në festat zyrtare, për lojërat e fatit apo për pagat e punonjësve të KQZ-së.

Ndërkohë nga ana tjetër kemi opozitën e cila ka premtuar se nuk do të tërhiqet nga aksioni derisa të drejtat e saj të respektohen.

Për javë me radhë opozita ka protestuar si brenda dhe jashtë Kuvendit dhe janë përjashtuar disa nga deputetët e saj, si Ervin Salianji, Edi Paloka dhe Petrit Doda, për thyerje të rregullores së Kuvend./ CNA

Vizita e Blinken dhe Kuvendi/ Nga interpelanca urgjente me Ramën dhe





Lajmet e fundit nga