web counter
LEXO PA REKLAMA!

SHKARKO APP

App Store
Google Play

Blinken, në Shqipëri/ Yuri Kim zbulon detaje nga vizita e Sekretarit Amerikan

14 Shkurt 2024, 09:23, Aktualitet CNA

Blinken, në Shqipëri/ Yuri Kim zbulon detaje nga vizita e Sekretarit

Departamenti Amerikan i Shtetit zhvilloi këtë të martë një bashkëbisedim me gazetarë shqiptarë dhe gjermanë në lidhje me vizitën e Sekretarit Amerikan të Shtetit Antony Blinken fillimisht në Shqipëri dhe më pas me prezencën e tij në Konferencën e Sigurisë në Mynih.

Ish-ambasadorja e SHBA, Yuri Kim ka zbuluar detaje nga agjenda e Blinken.

Diplomatja ka treguar se, Blinken do të jetë në Shqipëri përreth 8 orë dhe në fokus të vizitës do të jetë e ardhmja e Shqipërisë dhe Ballkanit Perëndimor.

“Do të jemi ne Shqipëri për rreth 8 orë dhe do të jetë një ndalesë që do të fokusohet në të ardhmen e Shqipërisë, në të ardhmen e Ballkanit Perëndimor.

Vizita vjen si një moment celebrimi për 100 vjetorin e marrëdhënie diplomatike SHBA-Shqipëri. Dhe për të shprehur falenderimet kryeministrit Rama dhe Shqipërisë për bashkëpendëmbajtjen në Këshillin e Sigurimit gjatë vitit 2023.

Ne duam të theksojmë dhe nënvizojmë bashkëpunimin e fortë që kemi me Shqipërinë. Për pritjen e afganëve që dëshmoi”, është shprehur ish ambasadorja Yuri Kim.

Blinken gjatë vizitës në Shqipëri do të takojë Presidentin Bajram Begaj, kryeministrin Edi Rama dhe  rreth 100 studentë të programeve të SHBA në Shqipëri.

Më herët, burime diplomatike bënë me dije se Blinken do të zhvillojë një takim me kreun e SPAK, Altin Dumanin.

 “Do të kemi disa takime në një agjendë shumë të ngjeshur, një herë traditën e tyte historike të mikpritjes.Do takohemi me presidentin Begaj dhe një takim bilateral me kryeministrin.

Në ndërmjet do të kemi një takim me me rreth 100 alumni të programeve të SHBA në Shqipëri.Eventi do të mbahet te Piramida që ka qenë një momument i komunizimit.

Piramida u ndërtua në vitet ‘80 si muze i diktatorit Enver Hoxha. Gjatë 30 viteve pësoi disa ndryshme ajo godinë, por bashkia e Tiranës në bashkëpunim me Fondin  Shqiptaro-amerikan e rindërtoi dhe e shënderroi në një godine për teknologjinë dhe inovacionin”, tha Kim./ CNA





Lajmet e fundit nga