LEXO PA REKLAMA!

SHKARKO APP

Papa Françesku nderon kardinalin Simoni/ “Martiri i gjallë që vazhdon të punojë për kishën”

14 Shkurt 2024, 22:11, Aktualitet CNA
Papa Françesku nderon kardinalin Simoni/ “Martiri i
Papa Françesku me kardinalin shqiptar, Dom Ernest Simoni

Papa Françesku nderon kardinalin shqiptar, Dom Ernest Simoni, i cili vuajti burgim, persekutim dhe kërcënime me vdekje për rreth 28 vite gjatë regjimit komunist.

Dom Ernest Simoni ishte i pranishëm në audiencën e përgjithshme në sallën Pali 6 që drejtohej nga Ati i Shenjtë në Vatikan.

Papa Françesku e falenderoi në mënyrë të veçantë duke e konsideruar si “martirin e gjallë” që vazhdon të dëshmojë dhe të punojë për Kishën.

“Të gjithë ne kemi lexuar historitë e martirëve të parë të Kishës. Sot marr guximin të përshëndes në mënyrë të veçantë një martir të gjallë, kardinalin Ernest Simoni. Si prift e ipeshkëve ai kaloi 28 vjet në burg. Burgu komunist i Shqipërisë, që ishte ndoshta persekutimi më mizor dhe ai vazhdon të dëshmojë. Dhe shumë e shumë si ai. Ai është tani 95 vjeç dhe vazhdon të punojë për Kishën pa u dekurajuar. I dashur vëlla të falenderoj shumë për dëshminë tënde”, tha Papa.

Papa Françesku u takua me kardinalin Ernest Simoni gjatë vizitës së tij në Shqipëri në shtator të vitit 2014 dhe u përlot kur e dëgjoi duke diskutuar për vuajtjet e tij. Pas asaj vizite, Papa Francesku vendosi ta bënte Ernest Simonin Kardinal./ CNA

Lajmet e fundit nga