web counter
LEXO PA REKLAMA!

SHKARKO APP

App Store
Google Play

E fundit!

x

Si u bë kaldajisti Ciaffaglione, pronar me letra i inceneratorit të Tiranës

15 Shkurt 2024, 13:32, Aktualitet Julian Hoxhaj

Si u bë kaldajisti Ciaffaglione, pronar me letra i inceneratorit të

Emisioni ‘Plug’ disponon dokumente të mbledhjeve të përbashkëta midis tre aksionerëve, ku flitet për gjetjen e investimit. Por fillimisht, do të trajtojmë dy kompanitë e reja që futen si aksionerë të "Geogenix", pikërisht kompania italiane "Franco Tosi Mecanica" dhe "Icare Holding sa", me seli qendrore në Zvicër.

Kompania ‘Franco Tosi Mecanica’ është në pronësi të shtetasit Alberto Presezzi. Ky i fundit rezulton se është një nga aksionerët kryesorë të kompanisë ‘Geogenix’, ish-"Integrated Energy BV". Sipas të dhënave nga Qendra Kombëtare e Biznesit, Presezzi është pronar përfitues me 40%.

Mirëpo, një mik dhe bashkëpunëtor i afërt i Alberto Presezzi-t, Gabirele Tarroni Longinoti, në deklaratën e dhënë për emisionin ‘Piranjat’ një vit më parë, së fundi ka folur edhe për emisionin ‘Kronos’, ku ka treguar të dhëna të rëndësishme për Alberto Presezzi-n.

Sipas Gabriele Tarroni-t, në zyrën e Presezzi-t kanë ardhur shpesh politikanë shqiptarë, ndërsa ai vetë ka qenë i pranishëm në dy takime që Presezzi ka zhvilluar në Tiranë me kryebashkiakun Erion Veliaj.

Madje, biznesmeni italian, që sot ndodhet në Dubai, tregon se ish-shoferi i tij Miliad Lopa, i kishte treguar se midis viteve 2017-2018, kishte udhëtuar drejt Teheranit me kryebashkiakun e Tiranës, Erion Veliaj, për disa takime të rëndësishme.

Si u bë kaldajisti Ciaffaglione, pronar me letra i inceneratorit të

Kjo dëshmi nuk u mor kurrë nga SPAK-u, madje SPAK-u deri më sot nuk e ka pyetur kurrë Gabriele Tarroni Longinoti-n për deklaratat e tij, që lidhin Erion Veliajn, Alberto Presezzi-n me Iranin… Tarroni është dëshmitari i munguar i SPAK-ut…

Mirëpo, teksa SPAK-u ka heshtur përballë këtyre deklaratave, deri më tani është e faktuar se Alberto Presezzi, që dëshmohet se është takuar disa herë me Erion Veliajn, ka një bashkëpunim të ngushtë me kompaninë shtetërore iraniane të energjisë, "Mapna Group".

Si u bë kaldajisti Ciaffaglione, pronar me letra i inceneratorit të

Në vitin 2015, Alberto Presezzi dhe kreu i kompanisë "Mapna Group", Abbas Aliabadi, kanë themeluar kompaninë ‘Tuga Franco Tosi Mecanica’. Madje emisioni "Plug", risjell për herë të parë dokumente që tregojnë se si kompania e Alberto Presezzi-t dhe "Mapna", kanë zbatuar disa projekte të përbashkëta gjatë viteve të fundit në fushën e energjisë dhe jo vetëm.

Kjo e dhënë tregon lidhjen e inceneratorit të Tiranës me regjimin e Teheranit, pikërisht nëpërmjet kompanisë "Franco Tosci Mecanica". Madje, Alberto Presezzi, ortaku i kompanisë shtetërore iraniane të energjisë, ka pasur dhe një takim në vitin 2017 me kryeministrin Edi Rama.

Ky i fundit, në agjendën e 30 janarit 2017, të kthyer në pikturë, ka pasur takim pasdite me Alberto Presezzi-n, Miliad Lopën dhe një tjetër person, të shoqëruar nga Erion Braçe.

Si u bë kaldajisti Ciaffaglione, pronar me letra i inceneratorit të

Kjo është denoncuar dhe nga lideri i Partisë Demokratike, Sali Berisha, i cili vitin e kaluar denoncoi madje edhe një tjetër skandal, ardhjen e Alberto Presezzi-t dhe Miliad Lopës në agjencinë e pronave të sekuestruara në Tiranë, e cila administron inceneratorin e Sharrës pas sekuestrimit nga SPAK-u.

Në atë kohë, gazetarët tentuan të pyesnin Alberto Presezzi-n për këtë aferë, por ai dhe Miliad Lopa hezituan të përgjigjen…

Veç kompanisë "Franco Tosi Mecanica", 40% të aksioneve i disponon edhe kompania zvicerane "Icare Holding SA" në pronësi të shtetasit Max Abitbol./ CNA

 





Lajmet e fundit nga