web counter
LEXO PA REKLAMA!

SHKARKO APP

App Store
Google Play

E fundit!

x

Blinken nuk e takoi, Baton Haxhiu: Lajm i keq për Lulzim Bashën

16 Shkurt 2024, 07:49, Aktualitet CNA
Blinken nuk e takoi, Baton Haxhiu: Lajm i keq për Lulzim Bashën
Baton Haxhiu

Baton Haxhiu, gazetari pranë Ramës dhe i paguar me paratë e inceneratorëve, në emisionin "Opinion" komentoi vizitën në Tiranë të Sekretarit Amerikan të Shtetit, Antony Blinken.

Për analistin Baton Haxhiu mungesa e takimeve të Blinken-it me përfaqësues të opozitës është një lajm i keq për Lulzim Bashën. Kështu “doktori” i marketingut të plehrave, i qan hallin Lul Bashës. 

Në emisionin “Opinion”, Haxhiu tha se mospërfshirja e tij në agjendën e takimeve të Blinken-it, tregon se Basha po e humb “peshën” si përfaqësues i opozitës.

 “Fakti që zotin Meta dhe zotin Basha që të dy u ekskomunikuan tregon që zoti Lul Basha duhet të jetë i kujdesshëm se po e humb peshën e njeriut të opozitës. Për faktin që më nuk është në terren për t’u angazhuar për atë që është thirrur. Shmangia e Bashës është esencialisht lajmi më i keq i kësaj opozite për arsye se konsiderohet që opozita është e dëmtuar seriozisht me ambiciet e saj për pushtet”, tha Haxhiu.

Sipas tij edhe Sali Berisha, edhe Ilir Meta kanë probleme serioze me Departamentin Amerikan të Shtetit.

“(Blinken) Nuk e takoi për arsye se gjithashtu, edhe Berisha edhe Meta kanë probleme serioze me Departamentin e Shtetit dhe kjo është evidente. Nuk ndodh që një Sekretar Shteti përveçse rasti siç është ky që mos ta takojë opozitën për t’i dhënë kurajë që ta nxisë atë për një opozitarizëm dhe një pushtet në të ardhmen, nuk ekziston askund. Kjo është arsyeja se ky lajm është shqetësues për Lul Bashën, sidomos për dy pretenduesit e tjerë të rinj që kanë marrë qindra mijëra euro fonde për të krijuar një koncept konkurrues dhe opozitar brenda Shqipërisë”, tha Haxhiu./CNA 





Lajmet e fundit nga