web counter
LEXO PA REKLAMA!

SHKARKO APP

App Store
Google Play

E fundit!

x

“Konflikt interesi”/ ILD, kërkesë KLGJ-së: Të shkarkohet nga detyra gjyqtari Hektor Sinanaj

16 Shkurt 2024, 08:53, Aktualitet CNA
“Konflikt interesi”/ ILD, kërkesë KLGJ-së: Të
Foto ilustruese

Inspektori i Lartë i Drejtësisë i kërkon Këshillit të Lartë Gjyqësor shkarkimin nga detyra të gjyqtarit të Vlorës, Hektor Sinanaj, për konflikt interesi.

Gazetarja Klodiana Lala raporton se nga hetimi disiplinor rezulton se nga ana e magjistratit, janë ndërmarrë veprime që përbëjnë një mospërmbushje të rregullt të detyrës.

“Nga hetimi disiplinor rezulton se nga ana e magjistratit, janë ndërmarrë veprime që përbëjnë një mospërmbushje të rregullt të detyrës, në shkelje të rregullave të papajtueshmërisë, në kushtet e konfliktit të interesit si dhe në përdorimin e statusit të magjistratit me qëllim krijimin e përfitimeve për të tjerët si dhe në shkelje të parimit të garantimit të besimit të publikut te drejtësia”, thuhet ne raportin që Artur Metani i ka dorëzuar qeverisë së gjyqësorit.

Nga hetimi i ILD-së rezulton se Sinanaj ka në pronësi një godinë përpara gjykatës, ambientet e së cilës ua kishte dhënë me qira disa avokatëve, me të cilët ka zhvilluar procese gjyqësore, në disa raste edhe i ka caktuar kryesisht.

Kujtojmë që në fillim të vitit, vetë gjyqtari paraqiti kërkesë për dorëheqje pak përpara se të përballej me vetting-un.

Më vonë ai u dërgoi një tjetër shkresë institucioneve ku në përmbajtje shprehej se kërkon revokimin e kërkesës për dorëheqje me qëllim të verifikimit të plotë të figurës nga ana e Komisionit të Pavarur të Kualifikimit./CNA 

 





Lajmet e fundit nga