E fundit!

19:39 Aktualitet

"Rama jepe dorëheqjen"/ Diaspora proteston në Bruksel

Diaspora po zhvillon sot një protestë përballë godinës së ...

Një lexim i shkurtër i mesazhit të Antony Blinken në Tiranë

15 Shkurt 2024, 19:36, Editorial CNA

Një lexim i shkurtër i mesazhit të Antony Blinken në

Fotomontazh - Erion Veliaj, Antony Blinken dhe Edi Rama

Mjafton të dëgjosh apo të ridëgjosh disa herë fjalimin që mbajti sekretari amerikan i shtetit, zoti Antony Blinken te Piramida e rikonstruktuar për të kuptuar një mesazh të qartë që ai dha nga Tirana.

Zoti Blinken i jepte mjaft merita kryeministrit Edi Rama, afganët, muxhahedinët, etj, por ajo që ra në sy në fjalinë e tij ishte Tirana e Edi Ramës, ndërkohë që Edi Rama nuk është kryebashkiak që nga viti 2011.

Blinken-i i jep të gjitha meritat Ramës, injoron Veliajn
15 Shkurt, 16:16

Prej 13 vitesh, Edi Rama nuk e drejton më Tiranën. E drejtoi për 4 vite Lulzim Basha dhe nga 2015-ta, prej 9 vitesh e drejton Erion Veliaj.

Blinkeni ishte i qartë, Tirana e Edi Ramës, ndryshimi i këtij qyteti, Piramida, gjithçka, ngjyrat, shkëlqimi, dielli, ngrohja, drita, të gjitha meritat ia dha Edi Ramës, duke shmangur kështu kryebashkiakun Erion Veliaj të cilin e kishte përballë.

Megjithëse Erion Veliaj i kishte zënë pritë, kishte dalë dhe i kishte dhënë dorën, shpërndau edhe fotot, mesazhi i Blinkenit nga brenda takimit ishte i drejtpërdrejtë, çdo meritë dhe gjithçka ia kaloi Edi Ramës, duke e shmangur në mënyrë katastrofike kryebashkiakun Erion Veliaj, edhe pse ai shpesh është krenuar me investimin te Piramida.

CNA e paralajmëroi, lali Eri "postbllok" Blinken-it
15 Shkurt, 15:46

Në fakt, lali kërkon të shesë triumf takimin e tij me Blinken, por mjafton t’i kujtojmë një rast zotit Veliaj.

Pasi i zuri pusi, Lali Eri nxjerr fotot me Blinkenin
15 Shkurt, 17:15

Ka qenë Sali Berisha 3 herë në dhomën ovale, ka pritur presidentin Bush, ka pritur sekretaren Clinton, ajo ka mbajtur fjalim edhe në parlament etj. por rreth 3 vite më parë e shpallën “non-grata”, pikërisht sekretari Antony Blinken firmosi shpalljen e Berishës “non-grata”.

Prandaj dhe mesazhi i sotëm i Blinken ishte shumë i fuqishëm. Gjithçka si meritë ia njohu Edi Ramës. Kryebashkiakun në detyrë e kishte në sallë, ai më parë i kishte zënë rrugën, i kishte dhënë dorën, por sekretari i shtetit nuk i dha asnjë vlerësim dhe asnjë meritë Veliajt.

Injorim sy për sy, ballë për ballë ndaj kryebashkiakut Veliaj, që tashmë po përpiqet të shesë fotot e bëra me pritën që i zuri Blinkenit si triumf të tij./ CNA