web counter
LEXO PA REKLAMA!

SHKARKO APP

App Store
Google Play

Blinken-i i jep të gjitha meritat Ramës, injoron Veliajn

15 Shkurt 2024, 16:13, Politikë CNA
Blinken-i i jep të gjitha meritat Ramës, injoron Veliajn
Antony Blinken dhe Edi Rama

Sekretari amerikan i Shtetit, Antony Blinken, mori pjesë në një aktivitet të mbajtur në Piramidën e Tiranës me të rinjtë.

Kryebashkiaku i Tiranës, Erion Veliaj, i doli para Blinken-it për ta takuar në hyrje të Piramidës.

Por pavarësisht çdo përpjekjeje të Veliajt për të rënë sadopak në syrin e Sekretarit amerikan të Shtetit, ky i fundit nuk i ka kushtuar shumë vëmendje.

Gjatë fjalës së tij, Blinken ia dha të gjitha meritat kryeministrit Edi Rama, megjithëse Veliaj ishte prezent gjatë takimit.

Sekretari amerikan foli me superlativa për kreun e qeverisë dhe la në hije totale kryebashkiakun.

“E ndiej ambientin e ngrohtë jashtë, por sidomos e ndiej ngrohtësinë në këtë dhomë dhe në çdo dhomë tjetër që kam qenë në Tiranë. Nuk mund t’ju shpjegoj se sa mirënjohës jam.

Falënderoj zotin kryeministër, Edin, ju falënderoj, jam shumë i lumtur që jam sot me ju në një qytet që ju si ish-kryetar bashkie i keni dhënë energji dhe ngjyra të bukura. Jam mirënjohës, por sidomos jam mirënjohës për partneritetin që ne të dy kemi. Zoti kryeministër është jo vetëm një udhëheqës i shquar, por edhe një kryeministër shumë i mirë. Në 4 vitet e fundit, në çdo vështirësi që kemi pasur zoti kryeministër ka qenë krah nesh dhe i ka përballuar këto vështirësi së bashku me ne”, theksoi Antony Blinken ndër të tjera./ CNA





Lajmet e fundit nga