web counter
LEXO PA REKLAMA!

SHKARKO APP

App Store
Google Play

E fundit!

x

Rama, mesazh Kurtit/ Kosova të dalë nga loja e Serbisë

14 Shkurt 2024, 22:23, Politikë CNA
Rama, mesazh Kurtit/ Kosova të dalë nga loja e Serbisë
Kryeministri Edi Rama dhe homologu Albin Kurti

Kosova duhet të dalë nga loja e Serbisë se kush e ka fajin.

Ky ka qenë mesazhi që ka përcjellë mbrëmjen e sotme kryeministri Edi Rama për qeverinë e Kosovës.

Rama tha në një intervistë për ATV se Kosova duhet të tregohet e vetëdijshme për barrën e përgjegjësisë që ka si një anëtar i ri i bashkësisë ndërkombëtare.

Ai deklaroi se për Kosovën nuk është Serbia etaloni, standardi dhe pika e referimit, ndaj duhet të shkëlqejë para ndërkombëtarëve.

“Thelbi i gabimit strategjik që bëjnë të gjithë ata që mendojnë se subjektiviteti ndërkombëtar i Kosovës dhe shtetnjohja përfundimtare e Kosovës do të vijnë përmes një procesi ku Kosova do bëjë garë me Serbinë se kush e ka më shumë fajin. Jo, në këndvështrimin tim dhe unë këtë e kam thënë gjithmonë, qasja jonë strategjike e shqiptarëve dhe në këtë rast flasim për Kosovën, por mendoj që kështu është edhe për Shqipërinë dhe kështu duhet të jetë për të gjithë shqiptarët, nuk është që të fajësojnë të tjerët, apo të hyjmë në lojën e fajësimit të njëri-tjetrit në sensin ‘jo shiko, dakord, ne jemi mbase këtë, po shiko ata’. Ne nuk kemi punë fare me ata, ne këto gjëra i bëjmë për veten tonë, e Kosova për veten e saj duhet të shkëlqejë në këtë proces. Kosova, për veten e saj duhet të tregojë ndërkombëtarisht një qenie e cila është plotësisht e vetëdijshme për barrën e flamurit që ka, për barrën e Kushtetutës që ka, për barrën e përgjegjësisë që ka, si një aktor i ri, si një anëtar i ri i bashkësisë ndërkombëtare. Nuk është Serbia etaloni dhe nuk është Serbia standardi dhe nuk është Serbia pika e referimit”, u shpreh kreu i qeverisë.

Rama theksoi se po të ishte në dorën e tij do ta kishte fimosur marrëveshje e propozuar nga ndërkombëtarët dhe do t’ja kishte lënë barrën Serbisë.

“Unë e kam thënë kohë më parë, në rast se do të ishte për mua unë marrëveshjen do ta kisha firmosur në mënyrë të njëanshme, duke i përmbushur të gjitha detyrimet e mia në raport me këtë përpjekje për subjektivitet të plotë ndërkombëtar dhe duke ia lënë pastaj Serbinë në dorë tjerëve që të merreshin me të dhe jo të rrija unë e të merreshin me mua gjatë gjithë kohës, ‘pse e bën këtë, pse s’bën atë, e tjerë’”, nënvizoi kryeministri./ CNA





Lajmet e fundit nga