web counter
LEXO PA REKLAMA!

SHKARKO APP

App Store
Google Play

Meta: Po rriten frikshëm çmimet, cilësia e produkteve po dëmtohet

14 Shkurt 2024, 20:20, Politikë CNA
Meta: Po rriten frikshëm çmimet, cilësia e produkteve po
Kryetari i Partisë së Lirisë, Ilir Meta

Kryetari i Partisë së Lirisë, Ilir Meta ka ngritur alarmin për uljen e prodhimit blegtoral dhe rritjen e çmimeve.

Me anë të një statusi në rrjetet sociale, Meta thotë se rritjet e çmimeve të çdo produkti janë të frikshme.

Ai deklaroi se ulja e prodhimit do të rrisë tundimin e falsifikuesve të shesin qumësht pluhur dhe vaj palme, me qëllim për të ulur kostot e prodhimit.

Gjithashtu, Meta thekson se po dëmtohet cilësia dhe siguria e produkteve.

“Rrënimi i qëllimshëm i blegtorisë në Shqipëri ka shkaktuar jo vetëm ulje të konsiderueshme të prodhimit blegtoral dhe automatikisht rritje të frikshme çmimesh të çdo produkti, por është kthyer në një rrezik serioz për shëndetin e konsumatorit.

Në periudhën 2013-2023, ulja e prodhimit të qumështit në Shqipëri ishte me 161.000 tonë. Kjo ulje do të rrisë tundimin e falsifikuesve dhe spekulantëve për të përdorur përbërës shtesë me çmim të ulët si qumësht pluhur dhe vaj palme, me qëllim për të ulur kostot e prodhimit, duke dëmtuar cilësinë dhe sigurinë e produkteve.

Rritja e madhe e importeve të qumështit pluhur dhe vajit të palmës i ka shkaktuar gjithashtu dëme të konsiderueshme blegtorëve tanë, produktet bio të cilëve dëmtohen nga konkurrenca e pandershme.

Nga ana tjetër, përdorimi abuziv i tyre sjell rrezik serioz për popullatën, ndaj është me shumë rëndësi forcimi i rolit kontrollues dhe parandalues të laboratorëve të Autoritetit Kombëtar të Ushqimit.

Çdo produkt ushqimor i pakontrolluar është një jetë njerëzore e rrezikuar!”, theksoi kreu i PL-së./ CNA





Lajmet e fundit nga