web counter
LEXO PA REKLAMA!

SHKARKO APP

App Store
Google Play

Një PD, një mal me sekretarë dhe nën/kryetarë

13 Shkurt 2024, 12:51, Politikë Elvi FUNDO
Një PD, një mal me sekretarë dhe nën/kryetarë
Enkelejd Alibeaj, Flamur Noka, Gazment Bardhi, Luçjano Boçi, Kreshnik Çollaku, Roland Bejko, Oerd Bylykbashi, Agron Gjekmarkaj, Flutura Açka

Opozita kryesore në vend, Partia Demokratike, ka shpallur bashkimin, një pjesë e saj, ajo pjesa e Berishës dhe Gazment Bardhit, pasi Lulzim Basha vazhdon në cepin e tij.

Kuptohet që shumicën e deputetëve i ka dyshja Berisha-Bardhi, por ajo që bie në sy në këtë bashkim të madh, që në fakt është rikthim te shumica e një pjese jo të pakët të opozitës, kryesisht deputetë si përfaqësues, pasi në vota dhe elektorat shumica e tyre janë thuajse zero.

Një PD, një mal me sekretarë dhe nën/kryetarë
Mbledhja e Këshillit Kombëtar të PD-së, 12 shkurt

Ajo që bie në sy është fakti se sa shumë sekretarë, apo një “mal” me sekretarë dhe nën kryetarë që do të këtë Partia Demokratike në çdo krah.

Aktualisht opozita e PD-së ka 3 sekretarë të Përgjithshëm, një është Gazment Bardhi, sekretari i Përgjithshëm i zgjedhur nga Kuvendi i Partisë Demokratike, në dhjetor të 2021, kohën kur u përplasën me doktor Berishën.

Sekretari i Përgjithshëm është Flamur Nona i zgjedhur edhe ky pas Kuvendit të 11 dhjetorit 2021.

Një PD, një mal me sekretarë dhe nën/kryetarë
Enkelejd Alibeaj, Flamur Noka dhe Gazment Bardhi

Sekretar i Përgjithshëm është edhe Enkelejd Alibeaj, i zgjedhur në dhjetor të 2023-shit.

Pra, tre sekretarë të Përgjithshëm, të tre në detyrë, të tre nuk e njohin njëri-tjetrin. Gazment Bardhi thotë që Kuvendi i atëhershëm ishte i vlefshëm, pastaj është i pavlefshëm, nuk vlen Kuvendi i Berishës.

Basha eci me Kuvendin e tij, Gazment Bardhi iku, Alibeaj u bë sekretar. Pra kemi 3 sekretarë të Përgjithshëm.

Folëm vetëm për sekretarët e Përgjithshëm, se të tjerët, janë aq shumë sa nuk ju dihen as emrat.

Vijmë më pas te nënkryetarët. Edhe këta janë një tufë.

PD e Berishës ka zgjedhur Oerd Bylybashin dhe Luçjano Boçin. Ky i dyti edhe si kryetar i Grupit Parlamentar të Partisë Demokratike, tani që ska mandat deputeti nuk dihet pse është nën/kryetar.

Partia Demokratike ka edhe Flutura Açkën kryetare grupit të zgjedhur nga Lulzim Basha.

Gjithashtu kryetari i grupit Parlamentar të PD-së është edhe Gazment Bardhi, por sipas partisë së Lulzim Bashës, por para se ky të zihej me Gazment Bardhin.

Nënkryetarë të PD-së janë disa emra.

Një prej tyre është Oerd Bylykbashi, i cili duhet të jetë edhe nënkryetar Kuvendi. Por me partinë e Lul Bashës para sherrit me Gazment Bardhin, nënkryetari i parlamentit ishte Agron Gjekmarkaj. Ky nuk e lëshon karrigen e nën/kryetarit të kuvendit, megjithëse Luli ja ka dhënë dikujt tjetër.

Një PD, një mal me sekretarë dhe nën/kryetarë
Oerd Bylykbashi

Gjithashtu kemi nënkryetarë Kreshnik Çollakun, kemi Orjola Pampurin dhe famozin Roland Bejko. Gjithashtu nënkryetare kanë qenë Jorida Tabaku dhe Grida Duma. 

Një PD, një mal me sekretarë dhe nën/kryetarë
Jordia Tabaku dhe Grida Duma

Këto gjatë kohës së parë të Lulit, kur ishte dashuria me Gazin, pas konfliktit të tyre Jorida nuk dihet pse nuk është më, pasi përpiqet të luajë një rol neutral. Ndërsa Agron Gjekmarkaj është hequr nga lista pasi shkoi me Gazin.

Një PD, një mal me sekretarë dhe nën/kryetarë
Lulzim Basha dhe Gazment Bardhi

Një parti demokratike, një opozitë që ka një mal me sekretarë dhe nënkryetarë (ja kaluan dhe atyre që i la partisë Enver Hoxha), dhjetëra nënkryetarë dhe disa sekretarë, më shumë se ndoshta ndonjë deputet nga këta që i përmendet emri më sipër ka mbështetës.

Pra opozita e përçarë ka më shumë persona në funksione se vota që mund të mbledhë për shembull Flutura Açka, Gjekmarkaj, Pampuri apo ndonjë tjetër.

Gjithsesi, sekretariate ka plot, se ka Berisha në partinë tij, Lulzim Basha ka plot të tillë. Në fakt lëmshi më i madh është në Kuvend me nënkryetarë dhe kryetarët e grupit, të cilët tashmë duket se janë bashkuar dhe janë unifikuar, kjo pjesa e Berishës te Gazment Bardhi, por nuk pranon pjesa e Lulit sepse ata kanë Flutura Açkën e kështu me radhë.

Një PD, një mal me sekretarë dhe nën/kryetarë
Flutura Açka dhe Lulzim Basha

Ndaj ky “mal” me komisarë, sekretarë, nënkryetarë e të tjerë do t’i shërbejë Partisë Demokratike, kështu siç është sot, copa-copa, thjesht dhe vetëm si flamur i humbjes së zgjedhjeve të ardhshme nën akuzën se ishte Rama që i përçau apo Lulzim Basha.

Rruga duket e vështirë, por jo e pamundur, me kaq shumë nënkryetarë dhe sekretarë e ardhmja duket edhe më e sigurt./CNA 





Lajmet e fundit nga