web counter
LEXO PA REKLAMA!

SHKARKO APP

App Store
Google Play

E fundit!

x

“Jam radikal, do lë popullin të na drejtojë”/ Çfarë paralajmëron Paloka për 20 shkurtin

12 Shkurt 2024, 17:41, Politikë CNA

“Jam radikal, do lë popullin të na drejtojë”/

Pak më parë ka nisur mbledhja e Këshillit Kombëtar të Partisë Demokratike. Mbledhja është hapur nga kryetari i Këshillit Kombëtar, Edi Paloka.

Ky i fundit deklaroi se në mbledhjen e sotme do të përqendrohet kryesisht në protestën e 20 shkurtit dhe do të jetë kryesisht organizative.

Ai deklaroi se në natyrë është person radikal dhe theksoi se do të lërë popullin ta drejtojë protestën.

Megjithatë, Paloka nënvizoi se detyra parësore e demokratëve është që të sigurojnë pjesëmarrjen më të madhe që është arritur ndonjëherë.

“Grupi Parlamentar ka muaj që reagon fuqishëm, do të vazhdojë qëndresën. Ka pasur reagime jo të pakta edhe nga mediat dhe institucionet ndërkombëtare për ti plotësuar detyrimet kushtetuese opozitës.

Dua të ju kujtoj se të gjitha këto reagime edhe të medieve dhe të institucioneve erdhën vetëm ditën kur parlamenti mori zjarr. Nuk e them për të nxitur asgjë përpara 20 shkurtit, por për ta pasur të qartë të gjithë se nëse ne nuk reagojmë, as ndërkombëtarët nuk do të na i kenë pas.

Ata që presin ende të na i zgjidhin problemet ata që praktikisht nuk jetojnë me problemet tona, e kanë gabim. Prandaj dhe 20 shkurtin kështu duhet ta shohim.

Në radhë të parë unë hy tek ajo pjesë, ta quajmë, radikale e PD-së dhe tek kjo protestë, demokratët presin shumë. Megjithatë detyra jonë kryesore, parësore për 20 shkurtin është pjesëmarrja.

Forcën në radhë të parë duhet ta tregojmë me pjesëmarrjen. 20 shkurti është aty, kur të jemi me dhjetëra mijëra në shesh, siç e ka thënë edhe Berisha, e ka thënë edhe publikisht që; popullin një herë e drejton, dhe një herë të drejton.

Këmbëngul edhe njëherë të them është se detyra jonë, e deputetëve, Këshillit Kombëtar, të gjithë strukturave të PD është që në 20 shkurt të sigurojmë pjesëmarrjen më të madhe që kemi arritur ndonjëherë”, tha Paloka./ CNA





Lajmet e fundit nga