web counter
LEXO PA REKLAMA!

SHKARKO APP

App Store
Google Play

Reduktohet stafi/ Sa punonjës ka ministria që drejtohet nga Blendi Gonxhja

14 Shkurt 2024, 15:28, Politikë CNA

Reduktohet stafi/ Sa punonjës ka ministria që drejtohet nga Blendi

Në fillim të vitit 2024, kryeministri Edi Rama shpërbleu besnikun e tij, Blendi Gonxhjën duke e vënë në krye të një ministre të re, asaj të Ekonomisë, Kulturës dhe Inovacionit. 

Me këtë veprim, Rama spostoi Elva Margaritin si ministre e Kulturës. 

Por pas krijmit të kësaj ministrie të re, Këshillimi i ministrave vendosi sot të që reduktohet stafi i punonjësve tek Financat, Kultura dhe Inovacioni. 

Sipas vendimi të ri, në aparatin e ministrisë pëgjegjëse për Ekonominë, Kulturën dhe Inovacionin, numri i punonjësve është aktualisht 275 veta. 

VENDIMI: 
Në mbështetje të nenit 100 të Kushtetutës dhe të nenit 12, të ligjit nr.97/2023, “Për buxhetin e vitit 2024”, me propozimin e ministrit të Financave, Këshilli i Ministrave vendosi:

1. Numri i punonjësve të ministrisë përgjegjëse për financat, miratuar në buxhetin e vitit 2024, reduktohet me 113 (njëqind e trembëdhjetë) punonjës.

2. Numri i punonjësve të aparatit të ministrisë përgjegjëse për kulturën, miratuar në buxhetin e vitit 2024, reduktohet me 91 (nëntëdhjetë e një) punonjës.

3. Numri i punonjësve rezervë të buxhetit të miratuar për vitin 2024  reduktohet me 71 (shtatëdhjetë e një) punonjës, duke e çuar numrin e përgjithshëm të punonjësve rezervë në 29 (njëzet e nëntë) veta.

4. Numri i punonjësve të përmendur në pikat 1, 2 dhe 3, të këtij vendimi, alokohet në aparatin e ministrisë pëgjegjëse për ekonominë, kulturën dhe inovacionin dhe numri i punonjësve për këtë ministri bëhet 275 (dyqind e shtatëdhjetë e pesë) veta.
5. Ngarkohen Ministria e Financave dhe Ministria e Ekonomisë, Kulturës dhe Inovacionit për zbatimin e këtij vendimi.

Ky vendim hyn në fuqi menjëherë dhe botohet në “Fletoren zyrtare”./CNA 

 





Lajmet e fundit nga