web counter
LEXO PA REKLAMA!

SHKARKO APP

App Store
Google Play

E fundit!

x

Gonxhe, ministër me tre portofole/ Shkullaku: Befasi, rast unikal

11 Janar 2024, 21:49, Aktualitet CNA
Gonxhe, ministër me tre portofole/ Shkullaku: Befasi, rast unikal
Armand Shkullaku

Gazetari Armand Shkullaku i ftuar në emisionin "Opinion" me Blendi Fezviun e ka befasuar emërimi i Blendi Gonxhes në krye të një ministri të re, asaj të Ekonomisë, Kulturës dhe Inovacionit.

Gazetari thotë se ky është një rast unikal në botë që Ekonomia dhe Kultura të drejtohen nga një dorë e vetme.

Biseda në emision

Blendi Fevziu: A ishte befasi kthimi i Gonxhes?

Armand Shkullaku: Po, ministër ishte një lloj befasie. Më befasi ishte ministria vetë, unë do e kisha gjetur me kuptim nëse do të ishte ministër i Ekonomisë dhe Turizmit, meqë janë 2 sektorë që ndërlidhen, por i Ekonomisë, Kulturës dhe Inovacionit, ndoshta jemi i vetmi vend që kemi bashkë…

Ornela Çuçi: Në fakt është koncepti anglez i ekonomisë krijuese në njëfarë mënyrë. Aktualisht, në Angli është parë që 30% të ardhurave të buxhetit të shtetit vjen prej nga shfrytëzimit të aseteve të trashëgimisë kulturore dhe të inovacionit.

Armand Shkullaku: A ka një ministri në Angli që është e Ekonomisë dhe Kulturës?

Ornela Çuçi: Nuk ka, është koncepti i fundit anglez.

Armand Shkullaku: Pra, jemi rast unikal, këtë doja të thosha, pavarësisht konceptit. Futja e Gonxhes në ekzekutiv ka vetëm nëse do e quaja si pozitiv që ka të bëjë me futjen në përfaqësim të njerëzve që kanë një profil politik, publik. Gonxhe është një personazh i bërë vetë. Gonxhe ka qenë në zhermet e politikës, ka qenë i tillë me ulje dhe ngritje. Nuk është gogël. Qoftë kur ka qenë shef kabineti në 98-2000, qoftë kur ka qenë nënkryetar bashkie, nga e cila iku për të ruajtur kokën e Ramës, u bë kurban Gonxhe kur u bë mocioni në Këshillin Bashkiak për shkarkimin e Ramës për digën e liqenit, ka qenë një personazh kontravers. Gonxhe është nga ata personazhe që është aktiv, ka vullnet./ CNA





Lajmet e fundit nga