web counter
LEXO PA REKLAMA!

SHKARKO APP

App Store
Google Play

E fundit!

x

Rritja e taksimit për profesionet e lira/ Teliti: Rama po mbyt bizneset

11 Janar 2024, 18:50, Aktualitet CNA
Rritja e taksimit për profesionet e lira/ Teliti: Rama po mbyt bizneset
Dorian Teliti

Anëtari i Këshillit Bashkiak të PD-së, Dorian Teliti, ka folur për rritjen e taksimit të qeverisë për profesionet e lira.

Gjatë një interviste për mediat, Teliti tha se nuk ka asnjë ndryshim në aspektin ndihmues dhe lehtësues ndaj sipërmarrjes dhe biznesit por ka rëndesa, rritje taksash diku tek 65 milionë euro shtesa, dhe gjysma e këtyre do të paguhet nga profesionistët e lirë.

Anëtari i Këshillit Bashkiak të PD-së, nënvizoi se në vend që të marrë masa që të angazhojë të rinjtë në profesione që kanë kërkesa pune,  qeveria vazhdon të shtojë taksat dhe t’i aplikojë te profesione që kanë mbetur pa taksuar deri tani.

"Viti 2024 do të jetë një vazhdim i 2023 pasi nuk ka një kthesë të strategjive dhe politikave që ka ndjekur qeveria. Nuk ka asnjë ndryshim në aspektin ndihmues dhe lehtësuese ndaj sipërmarrjes dhe biznesit por kemi rëndesa, kemi rritje taksash diku ke 65 milionë euro shtesa, dhe gjysma e këtyre do të paguhet nga profesionistët e lirë.

Në vend që të marrësh masa që të futësh të rinjtë në profesione që kanë kërkesa pune qeveria vazhdon dhe thotë që si e bëra në vitet e kaluara duke shtuar taksave do ta aplikoj dhe te këto profesione që kanë mbetur pa taksuar deri tani. Justifikimi i qeverisë është barazimi i taksimit.

Kjo logjikë nuk qëndron pasi duhet të aplikohej dhe për atë hotelin e miqve dhe shokëve që nuk paguajnë vetëm 6 % TVSH ndërsa ne kur bëjmë Pazar për familjen paguajmë 20%.

Nëse do të bësh barazi do të duhet ta vazhdosh kë këto biznese që i ka miq dhe shokë pastaj ta shtrijë në bizneset e tjera", tha Teliti./ CNA





Lajmet e fundit nga