web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i Berishës/ Andi Bushati: Makineria nuk ngopet dot me “viktima”

11 Janar 2024, 21:20, Aktualitet CNA

Arrestimi i Berishës/ Andi Bushati: Makineria nuk ngopet dot me

Analisti Andi Bushati ka folur për arrestimin e ish kryeministrit Sali Berisha.

I ftuar në emisionin "Të Paekspozuarit" me Ylli Rakipin, Bushati tha se kjo vjen nga përpjekjet për të thërrmuar opozitën.

Por sipas Bushtatit makineria e qeverisë nuk do të ndalet më kaq por do të ketë edhe më shumë “viktima”.

"Kurba pak a shumë dihej, që me tentativat që bëri Rama për të përçarë opozitën. Po të bëjmë një retrospektivë të shkurtër, do të shohim tratativat për të ndarë opozitën. Pastaj një përpjekje për të nxjerrë ligj për spiunët, për të nxjerr Metën nga gara, pastaj përpjekje për ligj që kjo parti nuk lejohet të hyjë në zgjedhje. Pastaj u bë tentativë edhe për ligj që kush ka qenë Sekretar partie nuk lejohet të jetë te këto parti. Pastaj e lanë Berishën pa vulë, komisionerë, etj. Nuk mund të shkëputet burgosja e Berishës pa këto përpjekjet për ta thërmuar dhe atomizuar opozitën.

Në vende autokratike, kështu ndodh me opozitën, janë të atomizuara dhe nuk bëhen dot bashkë.Problemi është, që e keqja nuk do të mbarojë këtu.

Kur mekanizmi diktatorial vihet në punë, makineria nuk ngopet dot më me viktima. I shoh edhe këto bashkë, atë që i bënë Belerit, gazetarit Qyno… Kur vihet një makineri që nxjerr jashtë loje të drejtën dhe ligjin, kjo makineri nuk di më të ndalet dhe vetëm pjell viktima të reja.

Në këtë kuptim, le të rrinte dhe Saliu në burg, po të ishte i fundit. Por nuk është i fundit, sepse makineria është vënë në punë dhe ajo ndalet vetëm kur të ndalet ajo që e ka prodhuar", tha Bushati./ CNA

 





Lajmet e fundit nga