web counter
LEXO PA REKLAMA!

SHKARKO APP

App Store
Google Play

E fundit!

x

Reforma Zgjedhore/ Propozimet e Dashamir Shehit

14 Shkurt 2024, 11:57, Politikë CNA
Reforma Zgjedhore/ Propozimet e Dashamir Shehit
Dashamir Shehi

Gjatë fjalës në Komisonin e Reformës Zgjedhore, i cili po zhvillohet online, kreu i LZHK-së, Dashamir Shehi propozoi një sistem proporcional për reformën zgjedhore, ndërsa u shpreh pro hapjes së listave deri në fund.

Sipas Shehit votimi duhet të jetë elektronik dhe se  emigrantët duhet të kenë të drejtën e votimit. Deputeti nënvizoi se duhet të rikthejmë besimin tek institucioni i votës dhe duhet të bëhet një ndryshim radikal. 

“Jam për zgjerimin e zonave. Do të isha i lumtur nëse do të bëhej një sistem proporcional. Jam pro listave që të hapen deri në fund. Një listë e hapur predisponohet që ka brenda dhe proporcionalin. Një tjetër pikë që kemi kërkuar, është që votimi të bëhet elektronik. Këtu ka dyshime për votimet elektronike, por besoj se me komisionerë na kanë ndodhur probleme. Kjo histori duhet të marrë fund, ndaj duhet ta bëjmë votimin elektronik. Po u bë në bashkitë e mëdha, duhet ta bëjmë dhe në bashkitë e tjera, ndaj duhet kurajo. Ja vlen që për demokracinë të harxhohen disa para. 2-3% të votave dhe mund të numërohen me dorë, por të bëhen elektronikisht që të hiqen këto zullume. Kjo është histori e vjetër e Shqipërisë. Po luhen miliona përmes elektronikës. Duhet të kthejmë te shqiptarët besimin te institucioni i votës. Nuk bëhet kjo me disa arnime. Shqipëria nuk është as Kina, as Spanja, por është një vend i vogël, që po bëhet edhe më i vogël. Do të duhej të ishin 2-3 kolegje të mëdha, që shqiptarët të votonin.”, tha Shehi./CNA 





Lajmet e fundit nga