web counter
LEXO PA REKLAMA!

SHKARKO APP

App Store
Google Play

E fundit!

x

Mero Baze i qan hallin Joridës: Është dinjitoze me parime, s’do as mandat deputeti

13 Shkurt 2024, 21:17, Politikë CNA
Mero Baze i qan hallin Joridës: Është dinjitoze me parime,
Gazetari Mero Baze

Deputetja e Lul Bashës, Jorida Tabaku nisi vajin për kritikat e marra në lidhje me mbledhjen e djeshme të PD-së në selinë qendore.

Pas hartimit të gjatë të Tabakut, vajit për Joridën ia ka marrë edhe gazetari Mero Baze.

Ky i fundit duket se është mërzitur nga ata që kritikuan Joridën dhe ka publikuar një shkrim, ku ka qarë hallin e deputetes së Lulit.

Mero Baze ia atribuon Joridës denoncimet për inceneratorët, ndonëse afera në PD u denoncua nga Jamarbër Malltezi, e para tij nga CNA, Ylli Rakipi dhe Birn.

Mero Baze i qan hallin Joridës: Është dinjitoze me parime,
Deputetja Jorida Tabaku

“Jorida Tabaku nuk e ka herën e parë që ndeshet me sulme nga Berisha gjatë jetës së saj në opozitë. Sulmin më të ashpër e ka pasur kur drejtoi Komisionin Hetimor ndaj inceneratorëve. Gjithë zërat pro Berishës në shtyp dhe ata pak vet që ishin pas Berishës në parlament e vunë nën akuzë se po bënte lojën e Edi Ramës për të mbyllur çështjen e inceneratorëve”, shkruan ai.

Për Meron, Tabaku ka korrur sukses politik pa u konsultuar me kryetarin e PD-së Sali Berisha dhe kjo na qenkërka dhe arsyeja pse sulmohet, sipas tij.

“Ata që arrijnë të mendojnë edhe pa folur me gojë me të, ata i urren.  Është kjo arsyeja që Sali Berishë e tërboi suksesi politik i Tabakut si kryetare e Komisionit, edhe kur mbahej komisioni edhe më pas. Prej atëherë përpiqet ta zhurmoj punën e atij Komisioni duke shpikur shifra që hedhin në erë të vërteta boll të dhimbshme që ai ka ai proces, pasi ai më shumë do të bëj ilegjitime, punën e një deputeteje që nuk e ka nën kontroll, se sa të akuzoj qeverinë me fakte reale. E njëjta histori po përsëritet tani që Tabaku po refuzon rreshtimin pas tij poshtë ballkonit”, vijon gazetari, i cili nuk i ndal lajkat për deputeten e Lulit.

Ai thotë se Jorida është dinjitoze, me parime dhe nuk synon të marrë mandat deputeti.

“Ndoshta Jorida Tabaku nuk bën asgjë. Ndoshta nuk do të bëhet as deputete më, pasi është njëqind herë më shumë dinjitoze të mbroj parimet e veta duke injoruar udhëheqësit e përjetshëm të vendit, se sa të shkoj pas tyre duke shkelur parimet e veta. Por dhe kjo me sa duket berishizmin e mërzit më shumë se gjithçka tjetër. Ideja që një politikan është i pavarur prej tij është për të fundi i botës”, thekson Mero Baze.

Me vajin Joridën e mbajnë me gajret se e dinë sa e zgjuar dhe e mençur është. Kështu e bëjnë edhe më qesharake./ CNA





Lajmet e fundit nga