web counter
LEXO PA REKLAMA!

SHKARKO APP

App Store
Google Play

Vizita e Blinken në Tiranë, reagimi i zëdhënësit të DASH

14 Shkurt 2024, 09:17, Politikë CNA
Vizita e Blinken në Tiranë, reagimi i zëdhënësit
Matthew Miller

Zëdhënësi i Departamentit Amerikan të Shtetit, Matthew Miller, në një konferencë ka dhënë disa detaje në lidhje me agjendën e sekretarit amerikan të shtetit, i cili pritet të vizitojë Shqipërinë më 15 shkurt. 

Sipas Miller, Shqipëria është partner kyç për stabilitetin dhe përparimin në Ballkanin Perëndimor si dhe një zë i fortë i mbrojtjes së Ukrainës.

"Sekretari Blinken do të niset nesër për të udhëtuar drejt Tiranës së Shqipërisë dhe Mynihut të Gjermanisë. Ky do të jetë udhëtimi i parë i Sekretarit në Shqipëri dhe gjatë qëndrimit atje, ai do të riafirmojë fuqinë e marrëdhënieve të Shteteve të Bashkuara me Shqipërinë. Shqipëria ka qenë një zë i fortë në mbështetje të mbrojtjes së Ukrainës të sovranitetit dhe lirisë së saj kundër agresionit brutal të Rusisë. Shqipëria ishte një udhëheqëse parimore gjatë mandatit të saj në Këshillin e Sigurimit të OKB-së dhe si Kryetare e OSBE-së për vitin 2020, dhe është një partner kyç për stabilitetin dhe përparimin në Ballkanin Perëndimor", deklaroi Zëdhënësi i Departamentit Amerikan të Shtetit, Matthew Miller.

Burime diplomatike bëjnë me dije se gjatë vizitës në Tiranë, Blinken do të zhvillojë një takim me kreun e SPAK-ut, Altin Dumanin.

Ndodh për herë të parë që një Sekretar Shteti të takojë një drejtues Prokurorie. Në këtë takim, Blinken synon të tregojë dhe ritheksojë mbështetjen e SHBA-së për Prokurorinë e Posaçme.

Theksojmë këtu se ardhja e Blinken është menjëherë pas tentativës për ngritjen e komisionit anti-SPAK nga mazhoranca, përtej shitjes si mbështetje për qeverinë.

Vizita e tij në Tiranë vjen pasi CNA raportoi se mazhoranca me një grup 99-çash dhe ish-“vullnetarë” të Enverit po përgatisnin një komision për të luftuar SPAK-un, Strukturën e luftës kundër Krimit dhe Korrupsionit, ndërtuar me financimet e qytetarëve të SHBA dhe BE-së./CNA





Lajmet e fundit nga