web counter
LEXO PA REKLAMA!

SHKARKO APP

App Store
Google Play

Blinken përmend Dua Lipën/ Mesazhi që dha nga Piramida

15 Shkurt 2024, 15:26, Politikë CNA

Blinken përmend Dua Lipën/ Mesazhi që dha nga Piramida

Sekretari amerikan i Shtetit, Antony Blinken, gjatë fjalës së tij në një aktivitet me të rinjtë te Piramida e Tiranës, listoi disa nga emrat e famshëm të shqiptarëve që kanë bërë karrierë të shkëlqyer në botë, si Dua Lipa apo Mira Murati, e po ashtu edhe biznese shqiptare që ia kanë dalë mbanë në Amerikë.

“Mirëdita të gjithëve dhe ju falënderoj për një mirëpritje të mrekullueshme në vendin e shqiponjave. E ndiej ngrohtësinë këtu dhe në çdo vend tjetër në Tiranë. Nuk mund të shpjegoj sa mirënjohës jam. Që të jem sot me ju për të festuar arritjen e këtyre programeve është e rëndësishme për të forcuar marrëdhëniet mes vendeve. Falënderoj Wisnerin dhe sidomos kryeministrin Rama, jam i lumtur që jam sot me ju në një qytet ku ju si ish-kryetar bashkie e keni energjizuar. Jam mirënjohëses dhe për partneritetin që kemi. Këto tri vitet e fundit që kemi punuar bashkë, çdo vështirësi që kemi pasur, kryeministri ka qenë pranë nesh. Kanë thënë njerëz se kjo ndërtesë tregon rrugën e Shqipërisë që nga fundi i Luftës së Ftohtë”, tha ai. 

Më pas Blinken nënvizoi se në Shqipëri ka edhe gazetarë që po ekspozojnë korrupsionin dhe po luftojnë kundër ekstremizmit. 

"Këtu ne kemi sot gazetarë që po ekspozojnë korrupsionin, që luftojnë kundër ekstremizmit dhe po e bëjnë Shqipërinë akoma më të hapur. Unë isha në ambasadë dhe u takova me disa familje afgane dhe presin të shkojnë në SHBA. Udhëtimi i tyre nuk do të ishte i mundur pa ndihmën e Shqipërisë. Marrëdhëniet midis popujve tanë janë thelbi", tha Blinken./CNA 





Lajmet e fundit nga