web counter
LEXO PA REKLAMA!

SHKARKO APP

App Store
Google Play

Veliaj servir fiq, Ramës ia "hanë" prapa krahëve dardhat

29 Mars 2024, 11:04, Editorial CNA
Veliaj servir fiq, Ramës ia "hanë" prapa krahëve
Edi Rama dhe Erion Veliaj

Kryeministri Edi Rama ka qenë i qartë që ditën e parë me ministrat dhe bashkëpunëtorët e tij të ngushtë dhe me ish-zv.kryeministrin, Arben Ahmetaj, në arrati.

Të njëjtin qëndrim ka mbajtur për Saimir Tahirin, për Lefter Kokën, e kështu me radhë. Ai ka thënë se përgjegjësia është personale, por ka pasur një shprehje më të drejtpërdrejtë: kush ka ngrënë dardha dhe kumbulla pas kurrizit të tij, do të mbajë përgjegjësi para ligjit.

Drejtpërdrejt i shiti bashkëpunëtorët, i quajti të korruptuar dhe se ai nuk dinte gjë se vidhnin paratë e buxhetit të shtetit. 

Në fakt, kryeministri këtu duhet të kishte përgjegjësi morale dhe kaq ministra burgjeve dhe në arrati bashkëpunëtorët më të ngushtë, do të kishte dhënë dorëheqjen, do të kishte bërë zgjedhje të parakohshme, qoftë dhe moralisht, por politika në Shqipëri moral nuk ka.

Erion Veliaj, në fakt, ka një ndryshim thelbësor nga Edi Rama.

Rama, që në momentin e parë, përgjegjësinë e ka quajtur personale, është distancuar nga të tijtë.

Ndërsa Erion Veliaj ka bërë të kundërtën.

E para, i shet drejtorët, pasi i mbron fort në SPAK, pasi përpiqet të tregojë se ai ka kontroll mbi këtë institucion, ka prokurorë, bashkëpunëtorë, që e informojnë dhe të tjera si këto.

Pasi u hedhin prangat drejtorëve thotë se janë ish-drejtorë.

Në fakt, të gjithë ata të arrestuarit dje dhe ata të arrestuarit në dhjetor kanë qenë drejtorë në detyrë, përjashto zotin Redi Molla, i cili kishte ikur në muajin shtator.

Por, Erion Veliaj, ndryshe nga Rama, i cili thotë dardha dhe kumbulla pas shpine, mesa duket ha fiq në tavolinë me drejtorët e tij.

Erion Veliaj, ashtu si dhe Rama, është në dijeni, por nëse kryeministri thotë se ia bëjnë pas shpine, Erion Veliaj e pranon publikisht se fiqtë i ka ndarë bashkë në tavolinë.

Këtë e bën duke mbrojtur drejtorët, këtë bën duke tentuar të nxjerrë Taulant Tushën nga burgu, në takime me gjyqtarë, prokurorë dhe avokatë, si e si ta çlirojë nga akuza drejtorin e rëndësishëm, që në fakt, tashmë jo një, por dy akuza.

Një akuzë e dytë pritet edhe për Mariglen Qaton, i cili është nën hetim edhe për çështjen e inceneratorit të Tiranës dhe në mënyrë të veçantë për çështjen e dherave.

Po kështu edhe disa drejtorë të tjerë të Erion Veliajt janë në akuzë. 

Veliajt ia hanë fiqtë në tavolinë në sytë e tij, ose ua servir ai fiqtë bashkëpunëtorëve të ngushtë. Ndërsa kryeministrit tonë ia hanë dardhat dhe kumbullat prapa krahëve.

Veliaj servir fiq, Ramës ia "hanë" prapa krahëve
Edi Rama dhe Erion Veliaj

Shumë fruta kanë qejf zyrtarët rilindës dhe 99-çat, sa në qeveri, aq dhe në Bashkinë e Tiranës, por ajo që është më e rëndësishme edhe fakti se fiqtë prishen shpejt dhe sidomos mbledhin miza shumë, ku i mban në tavolinë. Kështu ka ndodhur edhe me këta të ushqyerit me fiqtë e Erion Veliajt./CNA 





Lajmet e fundit nga