web counter
LEXO PA REKLAMA!

SHKARKO APP

App Store
Google Play

Ekskluzive/ Dy drejtorë të tjerë të Veliajt, të përfshirë në aferat e Bashkisë Tiranë

29 Mars 2024, 09:52, Denoncim CNA
Ekskluzive/ Dy drejtorë të tjerë të Veliajt, të
Elton Kacidhja

Ekspertët e opozitës, në materialet e tyre hulumtuese, por edhe shfletimin e shumë materialeve, pra dokumentacioneve të siguruara nga Bashkia e Tiranës, kanë mbledhur informacione se edhe dy drejtorët të tjerë janë të përfshirë në aferat e Bashkisë së Tiranës.

I pari quhet Elvin Tivari, ky person është kallëzuar në dosjen "5D" të Belind Këlliçit, por ai nuk është arrestuar dje me grupin e parë. Hetimet vazhdojnë, roli i Tivarit, sipas akuzës së ngritur në kallëzimin e bërë nga Belind Këlliçi, shkon deri në ortakëri me biznese, pronësi hotelesh, për të cilat thuhet se kanë ndërtuar drejtorët e Veliajt.

Në kallëzimin e dorëzuar në SPAK, mbi të cilin është ngritur hetimi, por sipas burimeve zyrtare të Strukturës së Posaçme Hetimore, hetimet për drejtorët e Veliajt, kanë filluar kryesisht, më pas kallëzim nga Belind Këlliçi me materiale voluminoze që janë mbledhur rrugës.

Nga ana tjetër, CNA ka mësuar se ekspertë të opozitës kanë mundur të sigurojnë materiale dhe të dhëna konfidenciale për një tjetër drejtor të rëndësishëm të kryebashkiakut Veliaj. Ai quhet Elton Kacidhja.

Ky i fundit nuk ka qenë për momentin aq i rëndësishëm sa Tusha, Qato, Redi Molla apo Elvin Tivari, shtabi elektoral i Veliajt dhe njerëzit kryesorë të tij, por rolin kryesor e ka marrë kohë më vonë, pasi fillimisht ka qenë një lloj "kamerieri".

Roli i Kacidhjes ka qenë pak a shumë si i Klodian Zotos në çështjen e inceneratorëve, por sipas ekspertëve të opozitës, tashmë ai është një nga personat më të rëndësishëm në krah të kryebashkiakut Veliaj, e një nga njerëzit e tij të angazhuar fort në politikë, në fushatë elektorale, por edhe në menaxhimin e institucioneve të bashkisë ku shpërndahen miliona euro, struktura te të cilat ka dyshime për korrupsion.

CNA ka mundur të sigurojë një tjetër material në lidhje me drejtorët e kryebashkiakut të Tiranës, të cilët pritet të denoncohen në vijim nga ekspertët e opozitës. Gjithashtu pritet të ketë edhe kallëzime të reja në SPAK./CNA 

 





Lajmet e fundit nga