web counter
LEXO PA REKLAMA!

SHKARKO APP

App Store
Google Play

E fundit!

x

Denoncimi i CNA-së vë në lëvizje Veliajn/ Fillojnë regjistrimet e studentëve në konvikt

28 Mars 2024, 21:00, Denoncim CNA

Denoncimi i CNA-së vë në lëvizje Veliajn/ Fillojnë

CNA denoncoi dy ditë më parë propagandën e kryebashkiakut Erion Veliaj me hapjen e godinës 15 të konviktit të studentëve në Qytet Studenti, në Tiranë.

Veliaj reklamoi investimin, duke pretenduar se në këtë godinë kishin filluar akomodimet e studentëve dhe do të qëndronin 300 të tillë.

Por, CNA shkoi pranë godinës dhe rezultoi se ajo ishte e mbyllur. Madje, studentët i pohuan CNA-së se shkonin çdo ditë për informacion te drejtoria e konvikteve dhe nuk merrnin përgjigje.

Duket se denoncimi i CNA-së ka shqetësuar dhe vënë në lëvizje kryebashkiakun e Tiranës, Erion Veliaj, i cili ka urdhëruar menjëherë nisjen e regjistrimeve të studentëve për akomodimet.

Ditën e djeshme, Rezidenca Studentore Universitare Nr.1 Tiranë, ka njoftuar në faqen e saj në “Facebook” se janë hapur regjistrimet nga kjo e enjte.

“Njoftim!

Të dashur studentë, ju njoftojmë se rezervimet për akomodim në rezidencën nr 15 fillojnë në datë 28/03/2024. Regjistrimet për këtë rezidencë do të kryhen pranë drejtorisë.

Shënim: Rezidenca nr 15 do të jetë mikse (djem dhe vajza)”, thuhet në njoftim.

U desh që të raportohej propaganda me studentët, që të hapej realisht godina 15 e konvikteve./ CNA

Denoncimi i CNA-së vë në lëvizje Veliajn/ Fillojnë





Lajmet e fundit nga