web counter
LEXO PA REKLAMA!

SHKARKO APP

App Store
Google Play

Ministres i vjen mendja, pasi shpalli sukses kardiokirurgjinë e djegur

22 Mars 2024, 11:00, Denoncim CNA
Ministres i vjen mendja, pasi shpalli sukses kardiokirurgjinë e djegur
Ministrja e Shëndetësisë, Albana Koçiu

Ministrja e Shëndetësisë, Albana Koçiu, lajthiti dhe shpalli sukses Shërbimin e Kardiologjisë dhe Reanimacionit Kardiak në QSUT.

Ky shërbim në QSUT nuk funksionon prej 6 javësh, që nga 11 shkurti kur në Urgjencën e re ra zjarr.

E megjithëse nuk ka bërë asgjë për të rikthyer shërbimin e Kardiologjisë dhe të reanimacionit, ministrja na doli e na bëri propagandë në rrjetet sociale.

Ajo tha se në QSUT, në këtë shërbim, janë trajtuar rreth 1000 pacientë, ndërsa foli edhe për investime që sipas saj kanë rritur kënaqësinë e pacientëve.

Ministres i vjen mendja, pasi shpalli sukses kardiokirurgjinë e djegur

Kjo në fakt ishte një lajthitje, pasi prej një muaji e gjysmë Kardiologjia nuk është në funksion dhe pacientët sorollaten sa në Sanatorium, sa te Trauma, ndërkohë që përballen me një fluks të madh.

Pasi na bëri propagandë me urgjencën e djegur, ministres i ka ardhur mendja.

Koçiu ka edituar shkrimin e saj në rrjetet sociale dhe në vend të Shërbimit të Kardiologjisë dhe Reanimacionit Kardiak ka shkruar Shërbimi i Kirurgjisë dhe Reanimacionit.

Ministres i vjen mendja, pasi shpalli sukses kardiokirurgjinë e djegur

Edhe pse ka bërë editimin e shkrimit, sërish del se ka dezinformuar opinionin publik, pasi është e pamundur që në një godinë, e cila është jashtë funksionit, pacientët të marrin shërbim.

Ministrja u detyrohet një shpjegim të gjatë të gjithë qytetarëve shqiptarë për këtë katrahurë që po ndodh në Urgjencën e QSUT-së.

Në vend të propagandës politike, e ka detyrim të tregojë para shqiptarëve se si qëndron e vërteta, cilat janë masat që ajo po merr dhe pse nuk është vepruar deri më tani./ CNA





Lajmet e fundit nga