web counter
LEXO PA REKLAMA!

SHKARKO APP

App Store
Google Play

E fundit!

x

Zjarri/ Drejtoresha e QSUT-së: Rastet urgjente do të trajtohen te Trauma dhe Sanatoriumi

11 Shkurt 2024, 11:21, Aktualitet CNA

Zjarri/ Drejtoresha e QSUT-së: Rastet urgjente do të trajtohen te

Drejtoresha e QSUT-së, Albana Fico, foli për mediat në lidhje me zjarrin që ra mëngjesin e sotëm në Urgjencën e re.

Fico tha në një deklaratë për mediat se nuk ka asnjë të lënduar dhe se të gjithë pacientët janë zhvendosur në ambiente të tjera të QSUT-së.

Ajo bëri të ditur se zjarri ka nisur për shkak të një defekti në një dhomë teknike që po monitorohet.

"Të gjithë pacientët në katin e sipërm që i takon edhe urgjencës, janë të sistemuar dhe ndiqen nga trupa e urgjencës dhe shërbimet përkatëse pranë QSUT. S’ka pasur asnjë humbje jete dhe asnjë lloj përkeqësimi. Ka akoma një sinjal teknik alarmi që tregon se kjo ndërtesë ka elementë të lartë sigurie që bën të mundur që pacientët të jenë të sigurt.

Ka qenë një defekt në një dhomë teknike që po monitorohet. Grupi teknik së bashku me mirëmbajtjen e QSUT ka në kontroll çdo lloj elementi. Është një dëm i kufizuar në vetëm një dhomë teknike. S’ka prekur asgjë tjetër", u shpreh ajo, ndërsa bëri të ditur se nuk ka probleme me pajisjet e imazherisë.

Gjithashtu, drejtoresha e QSUT-së deklaroi se të gjitha rastet e urgjencës do të trajtohen nga Trauma dhe "Shefqet Ndroqi".

"Spitali qendror trajton rastet më të rënda. Shërbimet kanë marrë masat e tyre. Kemi pacientë të cilët, për siguri më të lartë i kemi lëvizur brenda QSUT. Nuk ka ndryshim të parametrave të tyre, po trajtohen. Të mos harrojmë që QSUT ka planin e emergjencës. Gjëja më kryesore menjëherë pas adresimit të momentit të parë, ka qenë edhe riorganizimi. Menjëherë u bë një mbledhje blic ku u piketuan gjithë hapat e tjerë. Kemi vijuar të ndajmë shërbime urgjence me Traumën dhe 'Shefqet Ndroqin', do të devijohen urgjencat në këto dy spitale", theksoi Fico./ CNA





Lajmet e fundit nga