E fundit!

18:34 Aktualitet

"The Albanian Files"/ Zhupa: Libri i premtimeve të Ramës për ndërtuesit e vet, ka brenda 523 vepra penale

Deputetja e PD-së, Ina Zhupa, ka folur ditën e sotme lidhu...

Kush janë 6 Sekretarët Amerikanë të Shtetit që vizituan Shqipërinë?

9 Shkurt 2024, 22:09, Aktualitet CNA

Kush janë 6 Sekretarët Amerikanë të Shtetit që vizituan

Që pas vitit 1990 Shqipërinë e kanë vizituar pesë Sekretarë Shteti të SHBA-së dhe të pestë kanë pasur arsye specifike dhe të ndryshme për turin e tyre në Tiranë.

Pesë Sekretarët Amerikanë të Shtetit që vizituan Shqipërinë janë: James Baker në 1991, Madeleine Albright në 2000, Colin Paëell në 2003, Hillary Clinton në 2012 dhe John Kerry në 2016 dhe i gjashti që pritet ta vizitojë Tiranën në javën e ardhshme është Antony Blinken në 2024.

I pari Sekretar Amerikan i Shtetit që e vizitoi Shqipërinë ishte James Baker në vitin 1991.

Kreu i diplomacisë amerikane, James Baker do të përjetonte në Tiranë një sensacion që do ta shpjegonte gjatë në të gjithë intervistat por edhe kujtimet e tij, mitingun më të madh proamerikan në Europë pas Luftës së Ftohtë në një vend që deri dje ishte pjesë e kampit komunist.

SHBA donte të tregonte nga Tirana një sinjal të qartë të shkëputjes totale nga komunizmi.

Madaleine Albright e vizitoi Shqipërinë në vitin 2000.

Kur Madeleine Albright vizitoi Tiranën në vitin 2000, ajo tha: "Ndërsa shikojmë përpara drejt një të ardhmeje të re dhe më të ndritshme për Evropën Juglindore, ne presim nga Shqipëria për të ndihmuar në udhëheqjen e rrugës"

Colin Powell e vizitoi Shqipërinë në vitin 2003

Kush janë 6 Sekretarët Amerikanë të Shtetit që vizituan
Sekretari Amerikan i Shtetit, Colin Powell, në vitin 2003 zgjodhi Tiranën si vendin ku do të firmoste “Kartën e Adriatikut” ose paradhomën për hyrjen në NATO të Shqipërisë, Kroacisë dhe Maqedonisë.

U zgjodh Tirana si vend i firmosjes së paktit, pasi tashmë ishte përcaktuar prioriteti i qendrës proamerikane në Ballkan që ishin as më pak e as më shumë por pesë ish-vilajetet e ish-Perandorisë Osmane.

Në vitin 2012 do të ishte Hillary Clinton ajo që do të vizitonte Shqipërinë.

Gjatë vizitës së saj dhe fjalimit në Kuvendin e Shqipërisë ajo theksoi nevojën për të lfutuar më shumë krimin dhe korrupsionin.

Jonhn Kerry, vizitoi Shqipërinë në vitin 2016.

Sekretari i Shtetit i mandatit të dytë të Presidentit Obama, nuk kishte si të mos vizitonte Shqipërinë pasi sërish kjo pjesë e ballkanit mbetet nyja nevralgjike e Uashingtonit. Kerry erdhi në Tiranë për një arsye më shumë se gjeopolitike për strehimin e 2500 personave nga Kampi i Lirisë, iranianë me kombësi por që Teherani kërkonte t’i vriste.

I gjashti që pritet të vizitojë Shqipërinë në vitin 2024, javën e ardhshme është Sekretari Amerikan i Shtetit Antony Blinken, mes dative 14-17 shkurt.

Në Tiranë, Sekretari Blinken do të riafirmojë fuqinë e marrëdhënieve të Shteteve të Bashkuara me Shqipërinë, një partner kyç për stabilitetin në Ballkanin Perëndimor dhe një aleat i fortë në mbështetjen e sovranitetit dhe integritetit territorial të Ukrainës.

Po ashtu do të zhvillojë takim edhe me kreun e SPAK Altin Dumanin, gjë e cila nuk ka ndodhur kurrë më parë që një Sekretar i Shtetit të takojë një drejtues prokurorie.

Pas vizitës në Shqipëri, Blinken do të niset drejt Gjermanisë./ CNA