web counter
LEXO PA REKLAMA!

SHKARKO APP

App Store
Google Play

E fundit!

x

Berisha kthehet në kohën e liberalizimit të vizave/ Si Rama kërcënonte dhe u dërgonte letra delegacioneve të BE

9 Shkurt 2024, 19:23, Aktualitet CNA

Berisha kthehet në kohën e liberalizimit të vizave/ Si Rama

Ish-kryeministri Sali Berisha është kthyer pas në kohë për tu kujtuar shqiptarëve se çfarë bënte Rama kur ishte në opozitë ndërkohë që firmosej marrëveshja për heqjen e vizave të shqiptarëve dhe kur Shqipëria u bë pjesë e NATO-s.

Lideri i demokratëve theksoi se, në një kohë kur Rama demonstronte në sheshet e Tiranës me portrete të Enver Hoxhës si protestë e anëtarësimit të Shqipërisë në NATO,  në Bruksel në selinë e Aleancës u ngrit flamuri i Skënderbeut mes flamujve krenarë të vendeve të NATO.

Ndërsa në rastin e liberalizimit të vizave për Shqipërinë, Berisha thotë se Rama u dërgonte letra delegacioneve të BE ku i kërcënonte se nëse hiqte vizat 800 mijë shqiptarë do të dyndeshin në Bruksel.

“Asnjëherë nuk duhet të harrojmë se PD është lokomotivë e integrimit Europian dhe euroatlantik të Shqipërisë.

Në një kohë kur të tjerët lobonin kundër anëtarësimit të vendit në Këshillin e Europës, ne firmosnim në Strasburg anëtarësimin e saj në këtë institucion.

Në një kohë kur Rama u frynte bilbilave për muaj të tërë në parlament për të bllokuar firmosjen e marrëveshjes së Stabilizim-Asociimit në firmosnim në Luksemburg këtë marrëveshje me BE-në.

Në një kohë kur Rama demonstronte në sheshet e Tiranës me portrete të Enver Hoxhës si protestë e anëtarësimit të Shqipërisë në NATO, ne ngrinim në Bruksel në selinë e Aleancës flamurin krenar të Skënderbeut mes flamujve krenarë të vendeve të NATO.

Në një kohë kur ne mirrnim rekomandimin për liberalizimin e vizave, Edi Rama si antishqiptar dërgonte letra dhe delegacione me të cilat kërcënonte Europën se po u hoqën vizat mbi 800 mijë shqiptarë do të dynden drejt Brukselit.

Në një kohë kur ne në saj të suksesit të reformave, morëm rekomandimin e statusit kandidat nga BE-ja. Edi Rama si antishqiptar e bllokoi atë duke bllokuar votimin e tre ligjeve për të cilat ishte rënë plotësisht dakord.

Në një kohë pas zgjedhjeve votuam tre ligjet e bllokuara prej tij, shkonte në një udhëtim turpi në Britaninë e Madhe për ti kërkuar qeverisë së madhësisë së saj që të shtynte miratimin e hapjes së negociatave me 6 muaj vetëm e vetëm që kjo të mos dukej si meritë e qeverisë Berisha”, tha Berisha./ CNA

 





Lajmet e fundit nga