web counter
LEXO PA REKLAMA!

SHKARKO APP

App Store
Google Play

E fundit!

x

Urgjenca e QSUT-së, pjesërisht jashtë funksionit/ Rastet dërgohen te Trauma ose Sanatoriumi

13 Mars 2024, 12:03, Aktualitet CNA

Urgjenca e QSUT-së, pjesërisht jashtë funksionit/ Rastet

Urgjenca e QSUT-së është pjesërisht jashtë funksionit dhe një pjesë e mirë e rastet dërgohen te Spitali i Traumës ose te Sanatoriumi. 

Kjo situatë është krijuar për shkak të zjarrit që përfshiu këtë godinë më 11 shkurt dhe si pasojë urgjenca e sëmundjeve të brendshme në QSUT vijon të jetë pjesërisht jashtë funksionit. 

Sipas një grafiku, në spitalin e Traumës dhe Sanatoriumit dërgohen edhe bluzat e bardha të specializuara për urgjencat e sëmundjeve të brendshme.

Ndërkohë për të gjithë ata qytetarë që vijnë personalisht në urgjencë, është një staf, i cili i orienton që të shkojnë te Trauma ose Sanatoriumi.  

Ndërkaq, qytetarët e Gjirokastrës, Vlorës, Fierit e Beratit do marrin urgjencën kardiologjike, atë të sëmundjeve të brendshme e atë ortopedike në Spitalin Memorial, ndërsa urgjencat kardiologjike për Qarkun Shkodër dhe Lezhë trajtohen në Spitalin Rajonal Shkodër.

Kujtojmë që pak javë më parë, Prokuroria e Tiranës regjistroi procedim penal për veprën penale “Shkatërrimi i pronës me zjarr” për zjarrin në Urgjencën e Qendrën Spitalore ‘Nënë Tereza’.

Ky procedim penal është regjistruar pa persona në hetim, ndërkohë është urdhëruar administrimi i të gjitha provave për të dokumentuar shkakun dhe vlerën e dëmit të shkaktuar, si dhe personat përgjegjës për shkaktimin e dëmit./CNA





Lajmet e fundit nga