web counter
LEXO PA REKLAMA!

SHKARKO APP

App Store
Google Play

E fundit!

x

Marrëveshja e re SHBA-Shqipëri/ Mbështetje në disa fusha

13 Mars 2024, 11:01, Aktualitet CNA

Marrëveshja e re SHBA-Shqipëri/ Mbështetje në disa fusha

Ministri i Ekonomisë, Ervin Mete, ka zhvilluar një takim me të Ngarkuarin me Punë të SHBA-së, Wisner, ku është diskutuar për finalizimin e marrëveshjes së re të asistencës për Shqipërinë.

Gjatë takimit është folur për mundësitë e rritjes së bashkëpunimit dhe mbështetjes së Shteteve të Bashkuara të Amerikës për Shqipërinë, edhe përmes marrëveshjes së re të ndihmës së Qeverisë Amerikane për vendin tonë.

Mete ka vlerësuar mbështetjen që SHBA-ja ka dhënë dhe vijon të japë për Shqipërinë, në kuadër të reformave të rëndësishme dhe procesit të integrimit të vendit.

Në këtë kuadër, ministri vlerësoi marrëveshjen e re të asistencës përmes programeve të financimit të USAID, ku parashikohet vijimi i mbështetjes për Shqipërinë deri në vitin 2030 në kuadër të forcimit të shtetit të së drejtës, qeverisjes së mirë dhe zhvillimit të qëndrueshëm ekonomik.

Bashkëbiseduesit theksuan gjithashtu rëndësinë për të thelluar më tej bashkëpunimin dhe marrëdhëniet mes dy vendeve në fushën e sigurisë, edhe si aleatë në NATO.

Në këtë drejtim, i Ngarkuari me punë në Ambasadën e SHBA-së në Tiranë, Wisner shprehu gatishmërinë për të vijuar mbështetjen për Shqipërinë, në fusha si siguria kibernetike, modernizimi i mëtejshëm i forcave të armatosura dhe rritja e kapaciteteve mbrojtëse./ CNA





Lajmet e fundit nga