web counter
LEXO PA REKLAMA!

SHKARKO APP

App Store
Google Play

E fundit!

x

Komisioni për Reformën Zgjedhore/ Çuçi: Vendimi final merret në parlament

12 Mars 2024, 14:40, Aktualitet CNA

Komisioni për Reformën Zgjedhore/ Çuçi: Vendimi final

Kreu i grupit të PS-së, Bledi Çuçi, ka folur për mediat pas mbledhjes së Konferencës së Kryetarëve duke thënë se është pozitiv lajmi që më në fund opozita u ul në tryezë për të diskutuar mbi vijimin e një jete normale parlamentare.

Më tej ai tha se është vendosur që të diskutohet edhe për ngritjen e Komisioneve Hetimore që ka kërkuar opozita.

Nga ana tjetër ka folur për Reformën Zgjedhore.

Çuçi është shprehur se ka një komision që po punon për këtë dhe pas produktit që do të dalë nga ky komision do të jetë parlamenti që do të ketë vendimin final.

Ai tha se është rënë dakord parimisht për të diskutuar mbi ligjet që kërkojnë shumicë votash.

“Pavarësisht gjërave që çuan në këtë sjellje të opozitës për 4 muaj është lajm pozitiv që më në fund opozita u ul në konferencën e kryetarëve. Rivendosëm dialogun dhe bashkëbisedimin aty ku e lamë në tetor të vitit të kaluar.

Sot vendosëm atë që prisnim në më shumë se 4 muaj te rregullojmë objektet e dy Komisioneve Hetimore. Lamë një grup të përbashkët që të merren me rregullimin e objekteve sipas kërkesës së ndryshimit të ligjit. Pa diskutim mendoj që ishte një frymë e mirë për vazhdimin e një jete të mirë parlamentare. Të hyjmë në një jetë normale parlamentare. Reforma Zgjedhore ka një komision që po punon mbi reformën. Të shohim produktin e këtij komisioni.

Po punohet për të adresuar çështje të rëndësishme të produktit zgjedhor. Nuk ka komision bipartizan ne nuk kemi komision për nënçështjet zgjedhore. Ramë në dakord në parim të diskutojmë për ligjet që kanë nevojë për një shumicë për t'u votuar. Në finale është vendimmarrja që merret në parlament. Kërkohet një konsensus.

Ne kemi ngritur një komision, i kemi dhënë të gjithë kohën e nevojshme dhe komisioni do përfundojë me një produkt që është duke u punuar. Aty janë të përfaqësuara të gjitha korrentet opozitare. Do t'u nënshtrohet procedurave parlamentare në Kuvend”, tha Çuçi./ CNA





Lajmet e fundit nga