E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Blendi Fevziu rigjen komunizmin/ Zbulohet shteti i izoluar

12 Mars 2024, 13:56, Aktualitet CNA

Blendi Fevziu

Gazetari Bledi Fevziu, i cili një nga pasionet e tij ka eksplorimin e shteteve të botës dhe kulturave, së fundmi është përballur me diçka të papritur.

Aktualisht ai ndodhet në Eritrea ku është izoluar në këtë shtet dhe nuk ka mundësi të komunikojë me persona jashtë vendit.

Fevziu i bëri të ditura detajet në një komunikim me gazetarin Elvi Fundo, ku tregoi se prej dy ditësh nuk ka internet, nuk ka mundësi të zhvillojë telefonata jashtë vendit apo të përdorë kartat e kreditit.

Gazetari është shpehur më tej se e ka ndihmuar konsulli italian që ndodhet në Eritrea për të komunikuar me persona jashtë vendit.

"Kam gjetur komunizmin. Jam në Eritrea. Kam dy ditë pa internet, nuk lejohet. As telefonat me jashtë. As kartat e kreditit. As prona private. Komplet izolim. Tani mora pak nga konsulli italian. Duhet të vish këtu patjeter. Shiko në 'Instagram' asnjë postim", ka thënë Fevziu.

Nëse u hedhim një sy rrjeteve sociale të vetë gazetarit, shohim që prej dy ditësh nuk ka bërë asnjë postim dhe nuk ka publikuar asnjë "story", pasi nuk ka internet. Ndërsa në udhëtimet e tjera, Fevziu nuk i ka pasur të pakta videot apo fotot në rrjetet sociale, ku ka treguar shtetet që ka vizituar.

Kështu, Fevziu ka rigjetur komunizmin teksa shkon si turist në Eritrea.

Ky shtet është i vendosur në pjesën verilindore të Afrikës dhe në pjesën lindore të vendit ka dalje në Detin e Kuq. Pjesa tjetër e Eritresë kufizohet në jug me Xhibutin, në jugperëndim me Etiopinë dhe pjesa veriperëndimore kufizohet me Sudanin. Ky shtet ka mbi 4 milionë banorë.

Politika e Eritresë zhvillohet në kuadër të një diktature totalitare republikane presidenciale njëpartiake. Fronti Popullor për Demokraci dhe Drejtësi është e vetmja parti politike e lejuar ligjërisht të ekzistojë në Eritrea.

Asambleja Kombëtare e zgjedhur me 150 vende, e formuar në vitin 1993 menjëherë pas pavarësisë nga Etiopia, zgjodhi presidentin aktual, Isaias Afwerki.

Që nga shpallja e pavarësisë së vendit nuk ka pasur zgjedhje të përgjithshme.

Në vitin 2004, Departamenti Amerikan i Shtetit e shpalli Eritrenë një vend me shqetësim të veçantë (CPC) për të dhënat e persekutimit fetar dhe kufizimit të të drejtave të njeriut. /CNA