E fundit!

09:49 Kosova & Bota

Kurti: Kosova nuk kishte nevojë për këto zgjedhje, rezultati e dëshmoi qartë

Kryeministri në detyrë i Kosovës, Albin Kurti u shpreh në ...

Të dënuarit e burgut të Reçit, letër deputetëve: Votoni Amnistinë Penale

12 Mars 2024, 09:24, Aktualitet CNA

Të dënuarit e burgut të Reçit, letër deputetëve:

Të burgosurit e burgut të Reçit nëpërmjet një letre të publikuar nga avokati Anton Kosteri në Shkodër u bëjnë thirrje deputetëve të Parlamentit, kryesisht atyre të opozitës që të votojnë Amnistinë Penale, një projektligj ky i propozuar nga ministri i Drejtësisë, Ulsi Manja.

Sipas avokatit, të burgosurit kërkojnë që Amnistia të përfshijë uljen e dënimit minimalisht dy vite dhe e dyta i dënuari të konsiderohet personi që vendimi ka marrë formë të prerë deri në ditën që hyn në fuqi ligji.

“Të burgosurit u janë drejtuar me një peticion deputetëve, konkretisht atyre të opozitës, që të miratohet Amnistia. Të burgosurit më kanë kërkuar që ta parashtroj këtë kërkesë në shenjë humanizmi dhe të lihet pas çdo lloj ndasie politike dhe deputetët të shkojnë dhe të votojnë në Parlament Amnistinë. Votimi i projektligjit për Amnistinë do ta ndajë atë deputet nga të gjitha mendimet se një kah i caktuar mund të ketë interes, gjë që nuk e mendojnë fare. Ata deputet që e votojnë këtë ligj do fitojnë jo vetëm preferencën e të burgosurve por gjithë popullit shqiptar. U kërkojmë deputetëve që të tregohen të përgjegjshëm dhe ta votojnë. Këtë kërkesë tonën do ta dërgojmë edhe në Parlament që të votohet sa më parë. Të burgosurit kërkojnë që Amnistia të përfshijë uljen e dënimit minimalisht dy vite dhe e dyta i dënuari të konsiderohet personi që vendimi ka marrë formë të prerë deri në ditën që hyn në fuqi ligji”, u shpreh avokati Kosteri.

Pak ditë më parë, 330 të burgosur të burgut të Rrogozhinës u dërguan një letër Lulzim Bashës dhe krerëve të grupeve parlamentare në vend që të bëjnë të gjitha përpjekjet që të votohet Amnistia Penale, e cila kërkon 84 vota.

Letra paralelisht u është dërguar medias dhe Avokatit të Popullit me thirrjen që të votohet sa më shpejt Amnistia Penale./CNA