web counter
LEXO PA REKLAMA!

SHKARKO APP

App Store
Google Play

E fundit!

x

Pas mesazheve të Leka Bungos për kolegët, sherr në Këshillin Drejtues të RTSH-së

11 Mars 2024, 18:46, Aktualitet CNA
Pas mesazheve të Leka Bungos për kolegët, sherr në
Leka Bungo, kryetari i Këshillit Drejtues të RTSH-së

Siç pritej prej ditësh, sot ka plasur sherri në Këshillin Drejtues të RTSH-së. Shkak u bënë mesazhet që Leka Bungo, që nuk lë marifet pa përdorur vetëm e vetëm të përfitojë sa më shumë lekë ka shpërndarë kundër kolegëve të Këshillit Drejtues të RTSH-së të publikuara ditë më parë nga CNA, ku me emër përgojoheshin regjisori Ilir Keko dhe piktori Genc Përmeti.

Regjisori i njohur i RTSH-së, Ilir Keko, i fyer e përgojuar nga Leka Bungo i ka kërkuar përgojuesit Bungo shpjegime për mesazhet e shpërndara kundër tij.

- I pafytyrë, i padinjitet dhe intrigant ke qenë gjithë jetën ti Leka Bungo dhe i tillë vazhdon të shfaqesh edhe tani që mbushe 80 vjeç!

Pas mesazheve të Leka Bungos për kolegët, sherr në
Leka Bungo, kryetari i Këshillit Drejtues të RTSH-së

- Unë jam Nderi i Kombit, është përgjigjur Bungo, a thua se dekorata e dhënë ndoshta pavetëdijshëm nga Presidenti ka vlerën e cipës së virgjërisë për ligësitë, intrigat dhe poshtërsitë karakteriale të këtij njeriu që Ilir Keko e quajti në mbledhje “i paaftë që ke vetëm aftësinë të hash pas shpine”.

Debati vazhdoi edhe më tej për të mbërritur kulmin në momentin kur Keko e quajti Bungon “gaztori bajat i oborrit të Kryeministrit”.

Këshilli Drejtues i RTSH-së u mblodh të diskutonte çështje të buxhetit, por në fakt dëshmoi edhe një herë se në ç’gjendje mjerane dhe korruptive gjendet prej kryetarit Leka Bungo dhe lojërave të pista të tij me kapterrin enverist Alfred Peza, të cilin kryeministri e emëroi duke përdorur Leka Lekarin dhe lekarët e tjerë si shpërblim për informacionet kofidenciale, të cilat ai i trafikonte prej Irfanit te Kryeministri.

Lojë informatorësh, pavarësisht se në kohë të ndryshme. Dhe me sa duket karakteret perversë të informatorëve ndodh shpesh të bëhen bashkë. Informatori i penduar dhe informatori i paguar sido që të shfaqen e kudo që të mbahen, informatorë mbeten…





Lajmet e fundit nga