web counter
LEXO PA REKLAMA!

SHKARKO APP

App Store
Google Play

E fundit!

x

Alfred Peza, shkarkime masive në RTSH

23 Shkurt 2024, 10:54, Aktualitet CNA
Alfred Peza, shkarkime masive në RTSH
Fotomontazh - Alfred Peza dhe godina e RTSH-së

Që nga emërimi në krye të RTSH-së, Alfred Peza ka kryer një sërë shkarkimesh.

CNA mëson se Peza ka vijuar shkarkimet kolektive të punonjësve të RTSH-së, të cilët kanë mbi 20 vite eksperiencë pune.

Drejtori i RTSH-së ka krijuar një komision, që drejtohet nga drejtoresha e Burimeve Njerëzore, Anila Agalliu.

Sipas denoncimeve të ardhura në redaksinë e CNA, Peza dhe Agalliu me këtë komision kanë kryer shkarkime kolektive në mënyrë të padrejtë, pa asnjë bazë ligjore dhe në kundërshtim me Kodin e Punës.

Gjithashtu, burime i thanë CNA-së se shumë punonjës të tjerë kanë dhënë dorëheqjen për shkak të presioneve.

Mes punonjësve të shkarkuar janë gazetarë, regjisorë, teknikë, financierë dhe kameramanë.

Për këto pushime të padrejta 20 punonjës kanë bërë padi kolektive, që do t’ua dërgojnë edhe ambasadave, Bashkimit Evropian dhe sekretarit të Përgjithshëm të OKB-së, Antonio Guterres.

Kujtojmë se CNA ka denoncuar edhe më parë për shkarkime nga puna apo dorëheqje në Radio Televizionin Shqiptar.

Këto lëvizje filluan sapo Peza mori drejtimin e RTSH-së në qershor të 2023-shit. Ndërkohë, CNA ka denoncuar edhe abuzimet e Pezës në krye të televizionit shtetëror./ CNA





Lajmet e fundit nga