LEXO PA REKLAMA!

SHKARKO APP

Kush po falsifikon letrat në RTSH?

19 Shkurt 2024, 16:24, Aktualitet CNA
Kush po falsifikon letrat në RTSH?
Leka Bungo dhe Alfred Peza

CNA Media i është drejtuar Radio Televizionit Publik Shqiptar me disa kërkesa të vazhdueshme. Fillimisht kreut të institucionit, zotit Alfred Peza, më pas edhe kryetarit të Këshillit Drejtues, zotit Leka Bungo, në lidhje me fondet që ka përdorur ky institucion për Festivalin e RTSH-së, si dhe të Drejtat e Transmetimit që ka televizioni publik.

Herën e parë, duke shkelur ligjin, Alfred Peza dhe kreu i Këshillit Drejtues të RTSH-së, nuk na u përgjigjën. Herën e dytë sollën një shkresë, e cila në fakt nuk kishte përgjigje, por fliste për të dhëna private, ku në fakt RTSH është një media publike që paguhet nga taksat e qytetarëve dhe të dhënat e saj duhet të jenë 100% transparente deri në çdo qindarkë.

Kush po falsifikon letrat në RTSH?
Godina e Radio Televizionit Shqiptar

Në redaksinë e CNA media kanë ardhur disa denoncime në lidhje me fondet e përdorura në lidhje me Festivalin e RTSH-së të vitit të shkuar, ku pretendohet se janë të fryra në masën rreth 30 apo 40%. Ka zëra abuzivë shumë të shtuar dhe pa folur më pas për cilësinë, kjo u përket ekspertëve.

Kush po falsifikon letrat në RTSH?
Alfred Peza

Nga ana tjetër theksojmë se CNA ka mundur të mbledhë informacione mbi të Drejtat e Transmetimit, pra me abuzimin e tyre, ku televizioni publik, sipas raportimeve te ne, apo monitorimeve, rezulton se vjedh transmetime, megjithëse paguhet me miliarda lekë çdo vit nga shqiptarët.

Pa folur këtu më pas për punën e Këshillit Drejtues, shpërndarjen e fondeve, abuzimet, shkeljet që ka gjetur KLSH e të tjera si këto.

Por pas dokumenteve të nisura nga ne dhe refuzimit për të na i vënë në dispozicion, tashmë RTSH ka filluar një tjetër lojë. Burimet i thanë CNA-së se brenda RTSH-së ka veprime që kanë të bëjnë me ndryshimet e datave të disa dokumenteve në protokoll, brenda dhe jashtë tyre, komunikime, zbardhje apo vendime. Kjo për të krijuar një fytyrë të re mbi anën dokumentare, pra shkresore, që ka kërkuar CNA.

Çdo ndryshim date është një shkelje, një vepër penale, është një abuzim, por gjithsesi të shpresojmë që kjo nuk është e vërtetë, të shpresojmë që drejtori i RTSH-së, Alfred Peza, dhe kreu i Këshillir Drejtues, Leka Bungo, ende nuk janë "çmendur" që të urdhërojnë vartësit e tyre të kryejnë vepra të tilla, të cilat janë përgjegjësi penale.

Kush po falsifikon letrat në RTSH?
Leka Bungo

Por, çfarëdolloj date apo veprimi të ndryshojnë duhet të kuptojnë se shifrat nuk mund të lëvizen, ato janë të fryra, nuk mund të manipulohen.

Zërat, sido të përpiqen të justifikohen, tashmë janë të kryer, prandaj do të ishte më e udhës që sa më shumë të bëjnë të tilla veprime, sa më shumë të vonojnë përgjigjen e tyre me dokumente, thjesht dhe vetëm vonojnë zbardhjen e së vërtetës dhe tregojnë se kanë frikë nga vërteta, tregojnë se kanë kryer diçka në shkelje të ligjit, sepse dikush që nuk shkel ligjin dhe është transparent nuk ka pse i fsheh dokumentet, por i bën ato publike apo i çon në media kur i kërkohen.

Gjithashtu të tilla informacione për ndryshime datash apo lëvizje dokumentesh, tregojnë edhe një lloj paniku për të fshehur një të vërtetë të një institucioni si RTSH-ja, shpeshherë i akuzuar për abuzime, ku në krye të tij ka shkuar prej disa kohësh Alfred Peza, qëndron ende në krye të Këshillit Drejtues, Leka Bungo, të ndara apo në bashkëpunim, CNA ka informacione për abuzime në këtë institucion, në të cilin ka kërkuar edhe dokumentacionin përkatës zyrtarisht, i cili nuk po i vihet në dispozicion, por na vijnë informacionet se ai po manipulohet./CNA

 

Lajmet e fundit nga