web counter
LEXO PA REKLAMA!

SHKARKO APP

App Store
Google Play

“Butrinti”/ Ministri me tri portofole: Procesi sipas kuadrit ligjor

19 Shkurt 2024, 16:22, Aktualitet CNA

“Butrinti”/ Ministri me tri portofole: Procesi sipas kuadrit ligjor

Ministri me tri portofole, Blendi Gonxhe, ka folur për çështjen e Butrintit.

Nëpërmjet një postimi në rrjetet sociale, Gonxhe siguron opinionin publik për angazhim dhe vëmendje maksimale për miradministrimin e procesit sfidues të ndryshimit të modelit të menaxhimit të pasurisë kulturore universale të Parkut Kombëtar të Butrintit, në zbatim të plotë të standardeve ndërkombëtare dhe të kuadrit ligjor shqiptar në fuqi.

Sipas tij në të gjithë investimin për Butrintin do të ketë trasnparencë dhe gjithëpërfshirje.

“Për Butrintin

Në cilësinë e Ministrit përgjegjës për trashëgiminë kulturore dhe njëkohësisht si Kryetar i Bordit Drejtues të Fondacionit për Menaxhimin e Butrintit (për shkak të funksionit), siguroj opinionin publik për angazhimin dhe vëmendjen maksimale për mirëadministrimin e procesit sfidues të ndryshimit të modelit të menaxhimit të pasurisë kulturore universale të Parkut Kombëtar të Butrintit, në zbatim të plotë të standardeve ndërkombëtare dhe të kuadrit ligjor shqiptar në fuqi.

Unë dhe ekipi vlerësojmë gjithashtu rolin e AADF në bashkëpunimin e shkëlqyer për arritjen e parakushteve optimale në mbështetjen e BMF për investimin e çmuar në përthithjen e ekspertizës më të mirë bashkëkohore, teknike e profesionale, të denjë për rëndësinë e pasurisë botërore në fjalë, dhe të domosdoshme për suksesin e kësaj ndërmarrjeje të jashtëzakonshme ku shteti shqiptar është lider, në të mirën e interesit publik dhe ku kryefjala do të jetë transparenca dhe gjithëpërfshirja!”, shkruan Blendi Gonxhja./ CNA





Lajmet e fundit nga