web counter
LEXO PA REKLAMA!

SHKARKO APP

App Store
Google Play

E fundit!

x

‘Jam sëmurë!’/ 'I forti' i Sukthit kërkon zbutjen e masës së sigurisë

19 Shkurt 2024, 09:58, Aktualitet CNA
‘Jam sëmurë!’/ 'I forti' i Sukthit kërkon
Rexhep Rapi

Rexhep Rapi, i njohur ndryshe si ‘Kep Arapi’, kërkon zbutjen e masës së sigurisë për arsye shëndetësore.

Gjykata e Posaçme vendosi të caktojë grup ekspertesh nga Instituti i Mjekësisë Ligjore për të përcaktuar gjendjen shëndetësore të të burgosurit, të arrestuar pak kohë më parë. 

"I forti" i Sukthit akuzohet se ka tentuar të ekzekutojë kundërshtarin e tij, Xhevdet Plakun, për hakmarrje.

Sipas hetimeve, ish-shefi i krimeve, i arrestuar pak kohë më parë nga SPAK-u, Dedan Gjoni, i ka ngritur kurth Xhevdet Plakut, duke informuar Kep Arapin se do ta nxirrte nga dera e pasme e komisariatit të Durrësit, ndërsa Kep Arapi përgatiti grupin për eliminimin e tij.

“Pas alarmit që shtetasi Dejvi Germëni i ka dhënë personit të quajtur Geri (i identifikuar si Algert Rapi), Rexhep Rapi (Kep Arapi) është organizuar me njerëzit e tij për të vrarë shtetasin Xhevdet Plaku”, thuhet në dosje.

Ekzekutimi nuk u krye pasi Dejvi Germëni i kërkoi nipit të Kep Arapit të tërhiqej pasi Dedan Gjoni e kishte dërguar informacionin në "WhatsApp" dhe jo në një telefon të koduar. Më tej ai bëri me dije se Plaku ishte liruar dhe nuk ndodhej më në komisariatin e Durrësit.

Bisedat u përgjuan nga autoritetet holandeze që po hetonin Dejvi German për përfshirje në një organizatë kriminale që merrej me trafikun e drogës.

Vrasja e Xhevdet Plakut ishte planifikuar të kryhej më 17 shtator 2019, në Durrës, kur ai u shoqërua në komisariat nga polici Dedan Gjoni, me pretendimin se përdorte një makinë të blinduar.

SPAK thotë se Rexhep Rapi, i njohur ndryshe si Kep Arapi, nipi i tij, Algert Rapi, krijoi kushtet për vrasjen e Plakut për motive hakmarrjeje. Kepi ??Arapi akuzoi Xhevdet Plakun si autor të vrasjes së vëllait të tij, Sali Rapit, në vitin 2000 në Savona të Italisë./CNA





Lajmet e fundit nga