web counter
LEXO PA REKLAMA!

SHKARKO APP

App Store
Google Play

Zbulohen mesazhet e drejtorëve të Veliajt në dosjen "5D"

18 Shkurt 2024, 19:50, Aktualitet CNA

Zbulohen mesazhet e drejtorëve të Veliajt në dosjen

Prej kohësh vijojnë hetimet dhe denoncimet për dosjen e famshme  “5D”, ku janë përfshirë disa drejtorë kryesorë të kryebashkiakut Erion Veliaj, njerëzit më aktivë të tij dhe mbështetësit në fushatë.

Një hetim i madh që ka filluar me kallëzimin e Mariglen Qatos, ku opozita publikoi disa dokumenta, ku akuzoi Drejtorin e IMT-së, Mariglen Qaton se ka punësuar familjarët e tij në pikat kyçe në Bashki.

Sipas denoncimit, Qato ka përfituar dhjetëra tendera me kompaninë e tij 5D, ka marrë leje ndërtimi për disa pallate në Tiranë, si dhe po i investon miliona euro të nxjerra nga ky biznes, në një hotel luksoz në Durrës.

Ndërkohë nga ana tjetër ish-kryeministri Sali Berisha pretendon se SPAK ka në dorë bisedat e firmës 5D në grupin e Whatsapp prej disa muajsh dhe gjithashtu ka drejtuar akuzat e tij ndaj kryebashkiakut Erion Veliaj për të cilin thotë se jep urdhra të prerë se sa duhet të marrin dhe vjedhin nga tenderat.

“Prej mëse 3 muajsh janë kapur të gjitha biseda e firmës ‘5D’ në grupin e Whatsapp. Në këto biseda Erion Veliaj jep urdhra të prerë, vidhni kaq dhe vidhni aq, merrni kaq dhe merrni aq me tendera, bëni këtë dhe bëni atë”, tha ndër të tjera ish-kryeministri Sali Berisha në fjalimin e tij para mbështetësve.

Ditën e sotme, CNA ka denoncuar një tjetër rast flagrant të kompanive private që lidhen me Bashkinë e Tiranës dhe drejtorët e saj, familjarët e të cilëve përfitojnë nga lidhjet biznese apo tendera, duke sjellë rastin e Sokol Tushës, vëllait të drejtorit të prangosur të Erion Veliajt, Taulant Tusha.

CNA në vijim do të vazhdojë të publikojë të dhëna të forta në lidhje me drejtorë dhe skemën se si lidhen familjarët e tyre jo thjesht nga dosja “5 D”, por komunikime tregtare, aksione, kompani të ndryshme që tregojnë një zinxhir të madh lidhjesh të cilat përfundojnë te Bashkia e Tiranës./ CNA





Lajmet e fundit nga