web counter
LEXO PA REKLAMA!

SHKARKO APP

App Store
Google Play

Kronika e "Top Channel" për Berishën/ Gjokutaj: Rama njoftoi mediat pranë tij, s'dimë gjë për vendimin

17 Shkurt 2024, 09:00, Aktualitet CNA
Kronika e "Top Channel" për Berishën/ Gjokutaj: Rama njoftoi
Genc Gjokutaj

Avokati i ish-kryeministrit Sali Berisha, Genc Gjokutaj ka reaguar në lidhje me vendimin e GJKKO-së, të zbardhur nga Top Channel ‘zbardhi’, nëpërmjet së cilit nuk lejohet që kryedemokrati të marrë pjesë në punimet e Kuvendit.

Në një postim në rrjetet sociale, Gjokutaj akuzon Ramën se është gjykatësi i vërtetë, pasi ka njoftuar mediat pranë tij për këtë vendim gjyqësor. 

Gjokutaj thekson se për këtë vendim nuk janë akoma në dijeni avokatët mbrojtës të zotit Berisha.

Reagimi:

Të nderuar miq!
Siç mund ta konstatoni edhe nga kronika e Top Channel në vijim GjKKO paska zbardhur vendimin e saj për rrëzimin e kërkesës së z.Sali Berisha për lejimin e tij që të marrë pjesë në seancat parlamentare në ushtrim të detyrimit të tij si Deputet i Kuvendit të Shqipërisë!

Si mbrojtës se z.Berisha në këtë proces denoncojmë këtë veprim antiligjor të gjykatës! Edhe një herë vërtetohet tej çdo dyshimi se KM Edi Rama është jo vetem gjykatesi i vërtetë i ketij procesi por në vijimesi ka marrë edhe rolin e Sekretarisë Gjyqësore duke njoftuar mediat pranë tij për këtë vendim gjyqësor për të cilin mbrojtja e z.Berisha nuk ka as dijeni për zbardhjen e tij e jo më ta disponoje atë sipas ligjit në respekt të institutit të ankimit dhe afateve proceduriale!/ CNA 





Lajmet e fundit nga