web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet hallka e zinxhirit/ Rasti flagrant dhe lidhjet e biznesmenëve me Bashkinë e Tiranës

18 Shkurt 2024, 15:58, Denoncim CNA
Zbulohet hallka e zinxhirit/ Rasti flagrant dhe lidhjet e biznesmenëve me
Fotomontazh - Sokol Tusha dhe Bashkia e Tiranës

Kompanitë private që lidhen me Bashkinë e Tiranës dhe drejtorët e saj, përfitime familjarësh tenderësh e kështu me radhë tashmë nuk janë thjesht dhe vetëm në një hetim nga SPAK-u.

Dihet dosja e famshme “5D”, ku janë përfshirë disa drejtorë kryesorë të kryebashkiakut Erion Veliaj, njerëzit më aktivë të tij dhe mbështetësit në fushatë.

Një hetim i madh që ka filluar me kallëzimin e Mariglen Qatos e ka vazhduar më tej me drejtorët e Bashkisë së Tiranës, por sot CNA sjell një rast tjetër.

Një rast flagrant të një personazhi që lidhet me ortakëri dhe biznese me shtetasin Sokol Tusha.

Sokol Tusha, sipas të dhënave zyrtare, është vëllai i Taulant Tushës, drejtorit të rëndësishëm të Veliajt, i cili ndodhet pas prangave për aferën e inceneratorit të Tiranës.

Zbulohet hallka e zinxhirit/ Rasti flagrant dhe lidhjet e biznesmenëve me
Gjendja civile e Sokol dhe Taulant Tushës

Sipas të dhënave që ka siguruar CNA nga Qendra Kombëtare e Biznesit rezulton se kompania “Jon Construction” e ndërtuar në tetor të vitit 2020 është në pronësi të Sokol Tushës, vëllait të Taulant Tushës, me 66.7 % të aksioneve dhe me 33.3 % të aksioneve të kësaj kompanie zotëroheshin nga shtetasi Thanas Rapo.

Zbulohet hallka e zinxhirit/ Rasti flagrant dhe lidhjet e biznesmenëve me
Aksionerët e kompanisë “Jon Construction”
Zbulohet hallka e zinxhirit/ Rasti flagrant dhe lidhjet e biznesmenëve me
Aksionerët e kompanisë “Jon Construction”

Sokol Tusha dhe Thanas Rapo lidhen me shumë skema të tjera dhe biznese për të cilat dyshohet se kanë përfituar tenderë në institucione të ndryshme apo dhe kompani të ndryshme.

Kjo për shkak dhe të influencës dhe lidhjeve me vëllain e tij.

Por në këtë rast ka një tjetër detaj. Kompania është themeluar nga shtetasi Arben Maloku.

Një biznesmen i cili na del se te të dhënat e pikës 15 të njoftuara vullnetarisht në QKB rezulton se kompania “Jon Construction” ka dy e-maile, [email protected] [email protected].

Zbulohet hallka e zinxhirit/ Rasti flagrant dhe lidhjet e biznesmenëve me

Zbulohet hallka e zinxhirit/ Rasti flagrant dhe lidhjet e biznesmenëve me
Email-et e Sokol Tushës dhe Thanas Rapos pasqyruar në QKB

Këtu lind pyetja: Çfarë është adresa e e-mail-it Tirana.al?

Duke hapur faqen e internetit të Bashkisë Tiranë, Tirana.al, rezulton se domain Tirana.al është i Bashkisë së Tiranës.

Zbulohet hallka e zinxhirit/ Rasti flagrant dhe lidhjet e biznesmenëve me
Email-i me domain-in e Bashkisë Tiranë

Të njëjtën gjë konfirmuan burime nga AKEP dhe AKSHI për CNA, se ky është një domain i përdorur nga Bashkia e Tiranës.

Sipas të dhënave të QKB-së, fillimisht ka pasur disa aksionerë ku sipas të dhënave menjëherë me regjistrimin e kompanisë rezulton se aksionerë kanë qenë Arben Maloku dhe Thanas Rapo.

Më pas largohet Arben Maloku, ndryshojnë të dhënat dhe shtetasi Bardhok Lleshi, i cili ka qenë dhe ky aksioner dhe aksionet e këtyre dy personave i merr shtetasi Sokol Tusha.

Zbulohet hallka e zinxhirit/ Rasti flagrant dhe lidhjet e biznesmenëve me
Aksionerët e ndryshuar, pasqyruar në QKB

Të dhënat janë sipas ekstraktit që CNA po publikon dhe lind pyetja: Shtetasin Arben Maloku me adresë në Bashkinë e Tiranës, çfarë e lidh me Bashkinë e Tiranës? Përveçse marrëdhëniet e biznesit me Sokol Tushën, vëllain e Taulant Tushës?

Cilat janë lidhjet e Arben Malokut, Sokol Tushës dhe Taulant Tushës apo dhe Thanas Rapos?

Sepse qartazi në ekstraktin e QKB-së thuhet se Arben Maloku ka vendosur një adresë që është Bashkia e Tiranës.

Sokol Tusha nuk punon në Bashkinë e Tiranës. Në Bashkinë e Tiranës ka punuar si drejtor Taulant Tusha, i cili ndodhet pas hekurave.

Aferat e drejtorëve të Tiranës shkojnë përtej këtyre bizneseve.

CNA do të vazhdojë të publikojë të dhëna të forta në lidhje me drejtorë dhe skemën se si lidhen familjarët e tyre jo thjesht nga dosja “5 D”.

Por komunikime tregtare, aksione, kompani të ndryshme që tregojnë një zinxhir të madh lidhjesh të cilat përfundojnë te Bashkia e Tiranës.

Rasti i Arben Malokut, i cili vendos një adresë e-mail-i në Bashkinë e Tiranës është një nga më flagrantët.

CNA në vijim do të sjellë dokumente të tjera për lidhjen e shumë kompanive dhe njerëzve të zyrtarëve të Bashkisë të Tiranës, të cilët me vajtjen drejtorë, familjarët e tyre i kanë bërë biznesmenë, kanë përfituar kompani, pasuri të paluajtshme e të tjerë dhe gjithmonë në skema del Bashkia e Tiranës./ CNA





Lajmet e fundit nga