web counter
LEXO PA REKLAMA!

SHKARKO APP

App Store
Google Play

E fundit!

x

“Kjo t’i nxjerr të gjitha”/ Qytetari denoncon mjekun mashtrues që ‘diagnostikonte’ me kufje

13 Shkurt 2024, 21:34, Denoncim CNA

“Kjo t’i nxjerr të gjitha”/ Qytetari denoncon mjekun

Një qytetar i drejtuar në emisionin “Stop” në Tv Klan tregon se është diagnostikuar jashtë Shqipërisë me distrofi muskulare tipi 2. Ai thotë se ka patur një eksperiencë negative me klinikën private “Noah Clinic” ku pagoi 100 mijë lekë të vjetra për shërbimin e një aparature bio-rezonancë që premtonte diagnostikim të të gjitha sëmundjeve në trup, por që rezultoi një mashtrim. Sipas qytetarit, mjeku Kastriot Mëlyshi me pajisjen e tij, mundi t’i gjente vetëm horoskopin,por jo problemet shëndetësore.

Qytetari: Denoncimi im është për një klinikë në Tiranë që bën diagnostikimin vetëm me anë të kufjeve,  quht bio-rezonanca dhe doktori Kastriot Mëlyshi edhe klinika quhet “Noah Clinic” në Tiranë. Tani unë jam diagnostikuar me një sëmundje gjenetike para 3 vitesh, distrofia muskulare tipi 2. Erdha ta bëj dhe në Tiranë ça do më nxirrte kjo aparaturë që kishte ky doktor. Si përfundim nuk  nxori asgjë nga ato që unë kisha, por nxori vetëm çfarë donte ai, horoskopin. Unë mendoj se është një tip horoskopi ai që më tregoi, se nuk është diçka serioze. Vendoste kufjet në vesh dhe thoshte me anë të rrezeve, valëve magnetike ku di unë si i quante ai kjo diagnostikonte gjithë trupin e të nxirrte gjithçka që kishe sëmundje.

Gazetarja: Që nënkuptonte edhe sëmundjet gjenetike?

Qytetari: Unë i thashë atij a nxjerr çdo gjë? E pyeta në telefon më përpara, më thanë që nxjerr çdo gjë. Përfundimisht nuk nxori asgjë.

Gazetarja: Sa ishte pagesa që bëtë?

Qytetari: 100 mijë lekë të vjetra. Për mua është mashtrues dhe kërkoj që mos të mashtrojë njerëz të tjerë sepse ka njerëz që me gjithë mend besojnë te kjo aparaturë.

Për të kuptuar se çfarë është distrofia muskulare, “Stop” pyeti neurologun Altin Kuqo, i cili shpjegoi se kjo sëmundje ka prejardhje gjenetike dhe prek muskujt e të gjithë trupit duke ndikuar në lëvizje dhe kontraktim. Si efekte të tjera ka prekjen e shikimit, diabetin etj. Diagnoza përcaktohet me klinikë dhe jo me aparaturë.

“Stop” provoi se si funksionon kjo klinikë dhe kjo aparaturë dhe sërish e njëjta eksperiencë si e qytetarit denoncues. Në murin e klinikës është varur licenca e lëshuar më 27 janar 2023 në emër të Erjon Muka, që ofron shërbime mjekësore parësore, spitalore dhe stomatologjike. Nga ana tjetër aparatin e bio-rezonancës e përdor doktor Kastriot Mëlyshi i licencuar si mjek kardiolog.

Qytetarja: Tani unë kam dhimbje të muskujve. Po ndiej dhimbje po, te shpina këtu, s’di si të ta shpjegoj. E kamm edhe kur jam në ecje. Edhe kur pushoj. Kam bërë vizita.

Qytetarja: S’më kanë nxjerrë asnjë gjë. Thashë po provoja njëherë këtë bio-rezonancën, ngaqë e kam parë te faqja juaj.

Kastriot Mëlyshi: Kjo të nxjerr. Të nxjerr goxha.

Qytetarja: Tani për pjesën e kostove, kur vjen puna te shëndeti, të gjithë i marrin parasysh ca gjëra. Unë dua të di a ma nxjerr?

Kastriot Mëlyshi: Po! Ta them unë edhe çmimin se s’ka ndonjë gjë. Është 100 mijë lekë të vjetra.

Qytetarja: Si pajisje është e licencuar? E të gjitha këto kështu?

Qytetarja: Ok! Unë kam bërë vizitat, analizat dhe nuk më kanë nxjerrë asnjë gjë. Unë ndiej dhimbje, ajo më thotë nuk ke gjë.

Kastriot Mëlyshi: Po mirë pra sepse kur nuk  nxjerr analiza, ai ashtu të thotë. Ai të thotë nuk ke gjë në analizën që ke bërë.

Nga Agjencia Kombtare e Barnave dhe Pajisjeve Mjekësore na thuhet, që “Noah Clinic” nuk ka  certifikatë regjistrimi për bio-rezonancë, gjë që e rëndon situatën, pasi nuk ka as leje të veçantë nga Komisioni i Mbrojtjes së Rrezatimeve në Ministrinë e Brendshme./ tvklan





Lajmet e fundit nga